नवी दिल्ली: भारताचा शेजारी देश नेपाळमध्ये एक भीषण रस्ता अपघात झाला. प्रवाशांना घेऊन जाणारी बस नदीत कोसळली, यात १८ जणांचा मृत्यू झाला आणि अनेक जण जखमी झाले. जखमींपैकी अनेकांची प्रकृती चिंताजनक असल्याची माहिती आहे. हा अपघात धाडिंग जिल्ह्यात झाला, जिथे बस पोखराहून काठमांडूला जात होती.
मृतांमध्ये एक महिला आणि एक पुरुष असे दोन परदेशी नागरिकांचा समावेश आहे. मात्र, त्यांच्या राष्ट्रीयत्वाबाबत अद्याप कोणतीही अधिकृत माहिती जाहीर करण्यात आलेली नाही. काठमांडू पोस्टनुसार, नेपाळ पोलिसांनी 17 मृतदेह बाहेर काढले, परंतु एका गंभीर जखमी व्यक्तीचा मृत्यू झाला आहे, त्यामुळे मृतांची संख्या 18 झाली आहे. उर्वरित जखमींना रुग्णालयात दाखल करण्यात आले असून त्यांच्यावर उपचार सुरू आहेत.
अपघाताचे कारण समोर आलेले नाही.
नेपाळी मीडियाच्या वृत्तानुसार, प्रवाशांना घेऊन ही बस पोखराहून काठमांडूला जात होती. मात्र पहाटे 1.15 वाजता बसचे नियंत्रण सुटले आणि बस त्रिशूली नदीत कोसळली. बस धाडिंग जिल्ह्यातील बेनीघाट रोरांक भागातून जात होती. अपघाताच्या कारणाबाबत अद्याप अधिकृत माहिती समोर आलेली नाही.
Comments are closed.