CT 2025: टूर्नामेंटचं गणित बदललं! सामना रद्द झाल्यानं इंग्लंडला जॅकपॉट, अफगाणिस्तानलाही संधी?

मंगळवारी चॅम्पियन्स ट्रॉफीमध्ये ऑस्ट्रेलिया आणि दक्षिण आफ्रिका यांच्यातील सामना पावसामुळे रद्द झाला. पावसामुळे सामन्यात नाणेफेक होऊ शकली नाही. अशा परिस्थितीत ऑस्ट्रेलिया आणि दक्षिण आफ्रिकेच्या संघांना निराशा झाली, पण हा पाऊस इंग्लंडसाठी लॉटरीपेक्षा कमी नाही. पहिल्या सामन्यात ऑस्ट्रेलियाविरुद्ध पराभव स्वीकारणारा इंग्लंड आता हा सामना रद्द झाल्यामुळे उपांत्य फेरीत पोहोचण्याचा दावेदार बनला आहे.

भारत आणि न्यूझीलंड यांनी ग्रुप अ मधून आधीच सेमीफायनलमध्ये प्रवेश केला आहे, परंतु ग्रुप ब मधील कोणताही संघ आतापर्यंत टॉप-4 मध्ये स्थान मिळवू शकलेला नाही. आतापर्यंत ग्रुप-ब मधील प्रत्येक संघाला उपांत्य फेरीचे तिकीट मिळवण्याची संधी आहे.

ऑस्ट्रेलिया विरुद्ध दक्षिण आफ्रिका सामना रद्द झाल्यानंतर, आता इंग्लंडला बुधवारी अफगाणिस्तानविरुद्धचा सामना जिंकावाच लागेल. यानंतर त्यांचा सामना दक्षिण आफ्रिकेशी होईल. जर इंग्लंड संघाने हे दोन्ही सामने जिंकले तर ते उपांत्य फेरीत प्रवेश करतील. एवढेच नाही तर आज ऑस्ट्रेलिया आणि दक्षिण आफ्रिका यांच्यातील सामना रद्द झाल्यामुळे कोणताही संघ उपांत्य फेरीत पोहोचू शकलेला नाही. आता या दोन्ही संघांना कोणत्याही परिस्थितीत त्यांचा शेवटचा लीग सामना जिंकावाच लागेल. आता ऑस्ट्रेलियाचा सामना अफगाणिस्तानशी होईल. तर दक्षिण आफ्रिकेला इंग्लंडचा सामना करावा लागणार आहे.

ही चांगली बातमी फक्त इंग्लंडसाठी नाही. आता अफगाणिस्तानलाही उपांत्य फेरीत पोहोचण्याची संधी आहे. मात्र, त्याचा मार्ग खूप कठीण आहे. उपांत्य फेरीत प्रवेश मिळवण्यासाठी अफगाणिस्तानला प्रथम इंग्लंडला हरवावे लागेल आणि नंतर ऑस्ट्रेलियाविरुद्ध विजय मिळवावा लागेल. जर त्यांनी उर्वरित दोन्ही सामने जिंकले तर ते टॉप 4 मध्ये स्थान मिळवतील.

हेही वाचा-

WPL 2025: दिल्लीचा गुजरातवर शानदार विजय, पॉइंट्स टेबलमध्ये अव्वल स्थानी झेप
वयाच्या 52 व्या वर्षी सचिनने पुन्हा मैदान गाजवले, फलंदाजी पाहून तुम्हीही म्हणाल, ‘देव तो देवच’
चॅम्पियन्स ट्रॉफीत ट्विस्ट; अफगाणिस्तानला विजय, इंग्लंडला ‘करो या मरो’