वर्षभरात स्थानिक गुन्हे शाखेने जिल्हय़ात जप्त केलेल्या शस्त्रांचा आकडा धडकी भरविणारा ठरला आहे. हे आकडे बघून चंद्रपूरचे बिहार होतेय काय, असा प्रश्न आपसुकच निर्माण व्हावा. वर्षभरात झालेल्या विविध कारवायांत 294 शस्त्रे जप्त करण्यात आली आहेत, तर 124 आरोपींना बेडय़ा टाकल्या गेल्या. जप्त करण्यात आलेल्या शस्त्रांमध्ये अग्निशस्त्र, तलवार, जिवंत काडतुसे, चाकू या शस्त्रांचा समावेश आहे. 2022, 2023 या दोन वर्षांत झालेल्या कारवायांच्या तुलनेत 2024 मध्ये स्थानिक गुन्हे शाखेचा कारवाईचा वेग वाढल्याचे दिसत आहे.
शस्त्रे आलीत कुठून?
जिल्हय़ात झालेल्या एका गोळीबाराच्या घटनेत वापरण्यात आलेली बंदूक बिहार राज्यातून आणली गेल्याचे तपासात उघड झाले होते. चंद्रपुरात परराज्यातून शस्त्रे येत होती यावर शिक्का बसला. मात्र शस्त्रे येत असताना त्याची साधा सुगावा पोलिसांना लागू नये हे चकित करणारे ठरले आहे.
अशी आहे आकडेवारी…
- 2022 मध्ये एकूण 66 कारवाया करण्यात आल्या. या कारवायांमध्ये 6 अग्निशस्त्रे, जिवंत काडतुसे 11 तलवारी आणि इतर अशी मिळून 49 शस्त्रे जप्त करण्यात आली आहेत.
- 2023 मध्ये अग्निशस्त्रे 6, जिवंत काडतुसे 6, बारूद 200 ग्राम, एकूण शस्त्रे 53 जप्त करण्यात आली.
- 2024 वर्षात सर्वाधिक शस्त्रे जप्त करण्यात आली. अग्निशस्त्रे 30, जिवंत काडतुसे 124, तलवार आणि शस्त्रs 126 जप्त करण्यात आली आहेत. या तीन वर्षांत एकूण 334 आरोपींना अटक करण्यात आली आहे.
Comments are closed.