IND vs AUS: तिसऱ्या वनडेत विराट कोहली 2 धावा करताच करणार मोठा विक्रम! ठरणार ही कामगिरी करणारा पहिला खेळाडू

पर्थ आणि ॲडिलेडमध्ये चांगली सुरुवात न करता विराट कोहली (Virat Kohli) सिडनीत चाहत्यांना निराश न करता खेळण्याचा प्रयत्न करेल. भारत आणि ऑस्ट्रेलिया (IND vs AUS) यांच्यात शनिवारी होणाऱ्या सामन्यासाठीची तिकिटे आधीच विकली गेली आहेत. कोहली आपल्या करिअरमध्ये पहिल्यांदाच सलग दोन सामन्यांत शून्यावर बाद झाला आहे.

सुमारे दोन दशकांच्या करिअरमध्ये विराट कोहलीने अनेक वेळा दाखवले आहे की, जेव्हा तो चुकतो, तेव्हा जोरदार पुनरागमन करतो. सिडनीत आतापर्यंत कोहलीने सरासरी कामगिरी केली असली, तरी 25 ऑक्टोबर त्याच्यासाठी महत्त्वाचा दिवस ठरेल.

चेज मास्टर विराट कोहलीच्या कामगिरीवर वर्ल्ड रेकॉर्ड
आधुनिक क्रिकेटमधील सर्वोत्तम फलंदाजांमध्ये समाविष्ट असलेला विराट कोहली आधीच वनडेमध्ये यशस्वी लक्ष्याचा पाठलाग करत सर्वाधिक धावा करणारा फलंदाज आहे. त्याने 107 सामन्यांत 101 डावांमध्ये 88.20 च्या सरासरी आणि 96.55 च्या स्ट्राइक रेटने 5998 धावा केल्या आहेत. यामध्ये 33 वेळा तो नाबाद राहिला आहे. यशस्वी लक्ष्याचा पाठलाग करत त्याने वनडे मध्ये 24 शतक आणि 26 अर्धशतकं केली आहेत.

जर सिडनीत कोहली यशस्वी पाठलाग करत फक्त 2 धावाही केल्या, तर तो वनडेमध्ये यशस्वी पाठलाग करत 6000 धावा करणारा पहिला फलंदाज ठरेल.

सचिन तेंडुलकर यशस्वी लक्ष्याचा पाठलाग करत सर्वाधिक धावा करणारे दुसरे फलंदाज आहेत. त्यांनी 127 सामन्यांत 124 डावांमध्ये 90.08 च्या स्ट्राइक रेट आणि 55.45 च्या सरासरीने 5490 धावा केल्या आहेत. याच यादीत तिसऱ्या स्थानावर रोहित शर्मा (Rohit Sharma) आहे. रोहितने 103 डावांमध्ये 62.73 सरासरीने 4580 धावा केल्या आहेत. 4186 धावासंह रिकी पाँटिंग (ricky ponting) चौथ्या आणि 3950 धावासंह जॅक्स कॉलिस (Jacks Kallis) पाचव्या स्थानावर आहेत.

विराटने सिडनीत आतापर्यंत 7 वनडे खेळले आहेत. त्याने 24.3 च्या सरासरी आणि 83.0 च्या स्ट्राइक रेटने 146 धावा केल्या आहेत. सिडनीत त्याने फक्त एक अर्धशतक केले आहे. सर्वोच्च स्कोर 89 आहे. आकडेवारी दाखवते की सिडनीत कोहलीचा रेकॉर्ड चांगला नाही, त्यामुळे चाहत्यांची उत्सुकता वाढली आहे.