ससा. पूर्व काँगोमध्ये रविवारी मोठी बोट दुर्घटना घडली. अधिकाऱ्यांनी दिलेल्या माहितीनुसार, शनिवारी रात्री किवू सरोवरात व्यापाऱ्यांना घेऊन जाणारी बोट उलटली. या दुर्घटनेत 12 जणांचा मृत्यू झाला, तर अनेक लोक अद्याप बेपत्ता असल्याची माहिती आहे.
किस्केहे गावचे प्रमुख फेलिक्स हबिरागी यांनी दिलेल्या माहितीनुसार, बोटीत ५० हून अधिक लोक होते. दक्षिण किवू प्रांतातील इडज्वी भागात हा अपघात झाला. अपघातानंतर परिसरात मदत आणि बचाव कार्य सुरू करण्यात आले. स्थानिक अधिकाऱ्याने सांगितले की, अपघातानंतर सुमारे 15 जणांना सुखरूप बाहेर काढण्यात आले आहे. मात्र, मोठ्या प्रमाणात लोक बेपत्ता झाल्याने मृतांचा आकडा वाढण्याची शक्यता आहे.
ही बोट नेमकी कशामुळे उलटली याबाबत तात्काळ माहिती उपलब्ध नसल्याचे अधिकाऱ्यांनी सांगितले. अपघाताचा तपास करण्यात येत आहे. किवू सरोवरात याआधीही बोटींचे अपघात झाले आहेत, त्यामुळे गर्दी आणि सुरक्षा व्यवस्थेवर प्रश्नचिन्ह निर्माण झाले आहे.
Comments are closed.