भारत विरुद्ध पाकिस्तान सामना थांबवण्याचा प्रस्ताव? इंग्लंडचा माजी कर्णधार भडकला

भारत आणि पाकिस्तान (IND vs PAK) यांच्यात 5 ऑक्टोबर रोजी महिला विश्वचषक 2025 मध्ये सामना झाला होता. त्याआधी दोन्ही पुरुष संघ 2025 च्या आशिया कपमध्ये (Asia Cup 2025) 3 वेळा एकमेकांविरुद्ध खेळले होते. आता या भारत-पाकिस्तान सामन्यावर इंग्लंडचे माजी कर्णधार मायकेल आथर्टन (Michael Atherton) प्रश्न उपस्थित करत आहेत. त्यांनी हा सामना रद्द करण्याचा सल्ला दिला आहे.

त्यांच्या म्हणण्यानुसार, भारत-पाकिस्तान सामना आता फक्त क्रिकेटचा सामना नाही, तर मोठ्या प्रमाणावर तणावाचे प्रतीक बनला आहे. अशा सामन्यांमुळे आर्थिक फायदा होतो, पण दोन्ही देशांमधील तणावामुळे हा सामना समस्या निर्माण करणारा ठरतो. कोणत्याही महत्त्वाच्या खेळासाठी फक्त आर्थिक फायदा पाहून सामना आयोजित करणे योग्य नाही.

अथर्टन म्हणतात की, क्रिकेट पूर्वी कूटनीतीसाठी एक माध्यम होतं, म्हणजे देशांमधील संबंध मजबूत करण्यासाठी किंवा मैत्री वाढवण्यासाठी खेळ वापरला जात असे. पण आता हा सामना काही प्रमाणात तणावाचे साधन बनला आहे. त्यांनी सुचवले की ICC स्पर्धांमधील सामन्यांचे आयोजन पारदर्शक व्हावे. जर दोन्ही संघ प्रत्येक वेळी भेटत नसतील, तर तसेच करणे योग्य ठरेल.