फॉरेन्सिक सायन्सच्या विद्यार्थिनीचा एक्स बॉयफ्रेंड सिलेंडरवाला; नव्या प्रियकराला फ्लॅटमध्ये जिव

दिल्ली UPSC विद्यार्थी हत्या प्रकरण: दिल्लीतील तिमारपुर भागात 5 ऑक्टोबर रोजी यूपीएससीची तयारी करणाऱ्या रामकेश मीणा (32)ची (Ramkesh Meena) आग लागल्यामुळे मृत्यू झाल्याची (Delhi UPSC Student Murder Case) माहिती समोर आली होती. मात्र आता या प्रकरणात नवीन ट्विस्ट आला आहे. रामकेश मीणाचा आगामुळे मृत्यू झाला नसून त्याची हत्या करण्यात आली होती. पोलिसांनी या खळबळजनक खून प्रकरणाचा उलगडा करत तीन आरोपींना अटक केली आहे. यामध्ये अमृता चौहान (21), सुमित कश्यप (27) आणि संदीप कुमार (29) यांचा समावेश आहे. विशेष म्हणजे रामकेश मीणासोबत सहमतीने राहणाऱ्या अमृता चौहान हीने हा सगळा कट रचल्याची माहिती समोर आली आहे.

अमृता चौहान फॉरेन्सिक सायन्सची विद्यार्थिनी होती. अमृता चौहानने संदीप कुमार आणि सुमित कश्यपसोबत मिळून रामकेश मीणाची हत्या करण्याचा कट रचला होता. आरोपी सुमित कश्यप हा आधी अमृता चौहानचा प्रियकर होता. तर सुमित कश्यप गॅसच्या कंपनीत काम करत होता. त्यामुळे गॅस चालू ठेवल्यानंतर किती वेळेनंतर स्फोट होईल, याबाबत सुमित कश्यपला सगळी माहिती होती. पोलिसांनी सगळा तपास केल्यानंतर अमृता चौहनने घटनेची कबुली दिली आहे.

नेमकं काय घडलं? (Delhi UPSC Student Murder Case)

पोलिसांच्या चौकशीदरम्यान, अमृताने गुन्ह्याची कबुली दिली आणि घटनाक्रम सविस्तर सांगितला. अमृता चौहान म्हणाली की, मे 2025 पासून तिचे मृत रामकेश मीणासोबत संमतीने संबंध होते. रामकेशला अश्लील फोटो आणि व्हिडीओ डिलीट करण्यास सांगितले असता, त्याने नकार दिला. यानंतर अमृताने हा सगळा प्रकार माजी प्रियकर सुमित कश्यपला सांगितला. सुमितने त्याचा मित्र संदीप याला या हत्येत सामील केले. 5-6 ऑक्टोबरच्या रात्री तिघांनीही रामकेशचा गळा दाबून खून केला. नंतर त्यांनी खोलीत पेट्रोल आणि दारू ओतून मृतदेह पेटवून दिला. सुमित हा मुरादाबादमध्ये गॅस सिलिंडर वितरक आहे. त्याने सिलिंडर उघडून आग लावली जेणेकरून स्फोट अपघातासारखा भासेल.

नेमकं प्रकरण काय? (Ramkesh Meena Murder Case)

6 ऑक्टोबर 2025 रोजी सकाळी दिल्ली पोलिसांना गांधी विहारमधील एका इमारतीच्या चौथ्या मजल्यावर आग लागल्याची माहिती मिळाली. अग्निशमन दलाच्या जवानांनी आग आटोक्यात आणली, पण आतील दृश्य धक्कादायक होते. तिथे एक जळालेला मृतदेह पडला होता. तो 32 वर्षीय रामकेश मीणाचा असल्याचे समजले, जो तिथेच राहतो आणि यूपीएससीची तयारी करत होता. सुरुवातीला हा गॅस गळतीचा अपघात असल्याचे मानले जात होते, परंतु मृतदेहाची स्थिती आणि खोलीत विखुरलेल्या वस्तुंमुळे पोलिसांना संशय निर्माण झाला. घटनेनंतर, जेव्हा गुन्हे पथक आणि एफएसएल पथक घटनास्थळी पोहोचले, तेव्हा जवळच्या सीसीटीव्ही फुटेजची तपासणी केली असता, संपूर्ण कट उलगडू लागला. 5 आणि 6 ऑक्टोबरच्या रात्री सुमारे 2.20 वाजता, दोन पुरुष तोंड झाकून इमारतीत घुसले आणि त्यानंतर फक्त एकच बाहेर पडला. पहाटे 2.57 वाजता, एक महिला, ज्याची नंतर ओळख पटली, ती तिच्या प्रियकरासह इमारतीतून बाहेर पडताना दिसली. काही मिनिटांनंतर आग लागली. पोलिसांनी अमृताचा मोबाईल डेटा आणि कॉल रेकॉर्ड मिळवले आणि त्यांचे स्थान त्या रात्री गांधी विहारजवळच होतो. या सगळ्या तपासानंतर संपूर्ण गुन्हा उघडकीस आला.

राज्यासह देश-विदेशातील महत्वाच्या बातम्या, VIDEO:

ही बातमीही वाचा:

Mumbai Crime News: ब्रेकअपनंतर भेटले, संतापलेल्या सोनूने ‘ती’च्यावर केले वार, नर्सिंग होममध्ये जीव वाचवण्यासाठी गेली, पण…; काळाचौकी परिसरात नेमकं काय घडलं?

आणखी वाचा