Dhananjay Munde Parli Election: “नगरपरिषद निवडणूक माझ्यासाठी महत्त्वाची, गडबड करु नका”; काहीजण मला संपवायच्या मागे लागलेत, धनंजय मुंडेंची परळीकरांना आर्त साद


धनंजय मुंडे परळी निवडणूक: नगरपरिषद निवडणूक आपल्यासाठी महत्त्वाची आहे. आता फक्त माझं राजकारणच नाही तर मलाच संपायच्या मागे लागले आहेत. पण, अशा वेळेला तुम्ही माझ्यासोबत राहणार की माझी साथ सोडणार? ज्या लोकांनी परळीला (Parli) बदनाम केले त्या लोकांना उत्तर देण्यासाठी ही निवडणूक आहे. तुमच्या प्रत्येक अडचणी ही माझी अडचण म्हणून मी सोडवली आहे. कोणतीही गडबड करू नका, अशी आर्त साद माजी मंत्री आणि राष्ट्रवादी अजित पवार गटाचे आमदार धनंजय मुंडे (Dhananjay Munde) यांनी परळीकरांना घातली आहे. परळी नगर परिषद निवडणुकीच्या (Parli Nagar Parishad Election) पार्श्वभूमीवर बरकतनगर भागात झालेल्या प्रचार सभेतून ते बोलत होते.

धनंजय मुंडे म्हणाले की,  विधानसभा निवडणुकीच्या वेळेला जे वातावरण होतं, तेच वातावरण आता नगरपरिषद निवडणुकीच्या वेळेला आहे. आज तुम्ही माझ्यासाठी शेअर म्हणाले म्हणून मी माझ्या भाषणात शेर म्हणणार नाही. मी माझी जबाबदारी या ठिकाणी नेहमीच बजावली आहे. नगरपरिषदेकडून मला आयटीआय सुरू करायचं आहे. यामुळे रोजगाराला मदत होईल. इथले अतिक्रमण नियमित करून घरकुल देण्याचे काम आपण केले आहे. धनंजय मुंडे नेहमीच तुमच्या कामाला आला आहे. तुम्ही माझ्या दरवाजात काम घेऊन आलात आणि तुम्ही रिकाम्या हाताने परत गेला, असं कधीच झालं नाही. आपले मत वाया जाऊ देऊ नका. नगरपरिषद निवडणूक आपल्यासाठी महत्त्वाची आहे, असे त्यांनी म्हटले.

Dhananjay Munde Parli Election: ज्या लोकांनी परळीला बदनाम केले, त्यांना…

धनंजय मुंडे पुढे म्हणाले की,  आता फक्त माझं राजकारणच नाही तर मलाच संपायच्या मागे लागले आहेत. पण, अशा वेळेला तुम्ही माझ्यासोबत राहणार की माझी साथ सोडणार? ज्या लोकांनी परळीला बदनाम केले त्या लोकांना उत्तर देण्यासाठी ही निवडणूक आहे. मी तुमचे प्रत्येक कर्तव्य पूर्ण केलं आहे, त्याला संपवण्याचा प्रयत्न केला जात आहे. मी काम करण्याच्या लायक राहिलो नाही तुमचे काम कोण करणार? तुमच्या प्रत्येक अडचणी ही माझी अडचण म्हणून मी सोडवली आहे. कोणतीही गडबड करू नका, असे म्हणत त्यांनी हात जोडून उपस्थितांना विनंती केली.

Dhananjay Munde Parli Election: तरी मी तुमचे उपकार फेडू शकत नाही

हे सगळे निवडून आले तर माझी ताकद वाढेल. तुमच्या मनात माझ्याबद्दल असलेले प्रेम माझी ताकद आहे. तुम्ही मला प्रत्येक वेळेला अडचणीत साथ दिली याचे उपकार मी विसरू शकत नाही. मी माझ्या कातड्याचे जोडे जरी तुम्हाला घातले तरी मी तुमचे उपकार फेडू शकत नाही. राष्ट्रवादी काँग्रेसकडे अल्पसंख्यांक मंत्रालय आहे. याचा आपल्याला विकासासाठी फायदा होईल. लोकसभेला इथून ताईला किती मतं मिळाले याच्याबद्दल मी काही बोलणार नाही. रेल्वेमध्ये मी इथली जागा जाऊ दिली नाही, असे देखील धनंजय मुंडे यांनी म्हटले.

आणखी वाचा

Dhananjay Munde: मुंडेंचं घर कोणामुळे फुटलं? धनंजय मुंडेंनी जाहीर सभेतून सगळंच सांगितलं; म्हणाले, मी ज्याचा जीव वाचवला…

आणखी वाचा

Comments are closed.