कोरडा खोकला कायमचा नाहीसा होईल! एक ग्लास दुधात हे मिक्स करून प्या, घशाच्या समस्यांपासून आराम मिळेल

खोकला कमी करण्यासाठी घरगुती उपाय?
थंडीच्या दिवसात प्रतिकारशक्ती का कमी होते?
सर्दी खोकल्यापासून आराम मिळवण्यासाठी घरगुती उपाय?

हवामान बदलामुळे थंडी, खोकला आणि इतर रोगांचा संसर्ग शरीरात होण्याची शक्यता असते. हवेतील दव वाढल्याचा परिणाम शरीरावर लगेच दिसून येतो. या दिवसात शरीराची प्रतिकारशक्ती कमी होते. त्यामुळे झोपताना खोकला, छातीत जळजळ, घसादुखी अशा अनेक समस्या उद्भवण्याची शक्यता असते. वारंवार सर्दी, खोकला यामुळे घशाचा त्रास होण्याची शक्यता असते. कोरडा खोकला प्रामुख्याने रात्रीच्या वेळी अधिक वारंवार होतो. सततच्या खोकल्यामुळे डोकेदुखी, छातीत दुखणे अशा अनेक समस्या उद्भवतात. सर्दी खोकला वाढल्यानंतर अनेकदा औषधी गोळ्यांचे सेवन केले जाते. पॅनिकलॅक गोळ्यांचे सेवन केल्याने शरीराला हानी होते.(छायाचित्र सौजन्य – istock)

यकृत क्षय झाल्यानंतर शरीरात दिसतात 'ही' भयानक लक्षणे, यकृतासाठी आचार्य बालकृष्णांचे घरगुती उपाय ठरतील प्रभावी

सर्दी, खोकला, घसा खवखवणे, कोरडा खोकला यापासून आराम मिळण्यासाठी घरगुती उपायांचा अवलंब करावा. घरगुती उपाय शरीरासाठी नेहमीच प्रभावी असतात. आयुर्वेदिक उपायांमुळे घसा खवखवण्यापासून आराम मिळतो आणि शरीराला भरपूर फायदे मिळतात. आज आम्ही तुम्हाला कोरड्या खोकल्यापासून आराम मिळवण्यासाठी कोणते पदार्थ खावेत याबद्दल सविस्तर सांगणार आहोत. या पदार्थांचे सेवन केल्याने श्वसनमार्ग उघडतो आणि फुफ्फुसात अडकलेली घाण साफ होते.

आल्याचा अर्क:

आल्याचा वापर विविध खाद्यपदार्थ बनवण्यासाठी केला जातो. आल्यामध्ये आढळणारे दाहक-विरोधी गुणधर्म शरीरातील अशुद्धता बाहेर टाकण्यास मदत करतात. यासाठी एका भांड्यात एक ग्लास पाणी गरम करून त्यात किसलेले आले टाकून पाणी उकळून घ्या. पाण्याला उकळी आल्यावर गॅस बंद करून पाणी गाळून घ्या. तयार डेकोक्शनमध्ये मध घालून त्याचे सेवन केल्यास शरीराला अनेक फायदे होतात. याशिवाय शरीरात साचलेले विषारी घटकही बाहेर येतील. आल्याच्या अर्काचे सेवन केल्याने श्वसनमार्ग साफ होण्यास मदत होईल. तसेच रात्री सतत खोकला होत असेल तर आल्याचा पातळ तुकडा घेऊन दाताखाली चावा.

मध:

मध शरीरासाठी फायदेशीर आहे. एक चमचा मधात चिमूटभर हळद मिसळून चाटण म्हणून खाल्ल्यास खोकला कमी होतो. कोरड्या खोकल्यापासून आराम मिळवण्यासाठी मध फायदेशीर आहे. याशिवाय सकाळी उठल्यावर कोमट पाण्यात मध मिसळून प्यायल्याने खोकल्याच्या समस्येपासून आराम मिळतो. तसेच कोमट पाण्यात मधाचे सेवन केल्याने वाढलेले वजन कमी होण्यास मदत होते.

आतड्यांमध्ये जमा झालेला विषारी कचरा क्षणार्धात बाहेर पडेल! गरम पाण्यात मिसळून हा जादुई पदार्थ प्या, पोट साफ होईल

हळदीचे दूध:

एक ग्लास कोमट दुधात हळद मिसळून प्यायल्याने कोरडा खोकला आणि सर्दीपासून आराम मिळतो. दुधात एक चमचा तूप मिसळूनही पिऊ शकता. यामुळे सर्दी खोकला कमी होऊन आराम मिळेल. हळदीतील घटक घशातील जळजळ कमी करण्यास मदत करतात. शरीरातील संसर्गाशी लढण्यासाठी हळदीचे सेवन करा.

टीप – हा लेख फक्त सामान्य माहितीसाठी लिहिला आहे आणि कोणत्याही प्रकारचा इलाज असल्याचा दावा करत नाही. कोणताही उपाय करण्यापूर्वी तुमच्या डॉक्टरांचा सल्ला घ्या.