हल्ली उन्हाळ्याचा कडाका वाढत चालला आहे. या वाढत्या उन्हाळ्यासोबत तुमच्या आरोग्याची काळजी घेणे जसे गरजेचे आहे तसेच या उन्हाळ्यात तुमच्या वाहनाची काळजी घेणे देखील तितकेच महत्त्वाचे आहे. शिवाय, जर वाहन इलेक्ट्रिक असेल तर विशेष काळजी घ्यायला हवी कारण इलेक्ट्रिक कारची बॅटरी गरम होण्याची समस्या असते आणि यामुळे कारमध्ये आग देखील लागू शकते. याकरताच उन्हाळ्यात तुमच्या गाडीची काळजी कशी घ्यावी ते जाणून घेऊयात आजच्या या लेखातून.
काळजीपूर्वक गाडी पार्क करा
अनेकांना जागा मिळेल तिथे वाहने पार्क करण्याची सवय असते. गाडी पार्क करण्यासाठी चांगली जागा शोधण्याच्या आळशीपणामुळे आणि दुसरे म्हणजे पार्किंगकरता असलेले पैसे वाचवण्याच्या लोभामुळे गाडी कुठेही पार्क केली जाते. आता उन्हाळा आला आहे, त्यामुळे जर तुम्ही तुमचे वाहन उन्हात पार्क केले तर तुम्ही अडचणीत येऊ शकता.
उन्हात गाडी पार्क केल्याने बॅटरी गरम होऊ शकते. तुमच्या कार किंवा स्कूटरला जास्त गरम झाल्यामुळे आग लागू शकते, ज्यामुळे त्याची कार्यक्षमता आणि आयुष्य कमी होऊ शकते. म्हणून, उन्हाळ्यात तुमचे वाहन सावलीत पार्क करा.
बॅटरी 70 ते 80 टक्क्यापर्यंत चार्ज करा
ज्याप्रमाणे जास्त चार्ज केल्यास मोबाईलची बॅटरी फुटण्याचा धोका असतो, त्याचप्रमाणे, जास्त उष्णतेच्या कारणामुळे, जास्त वेळ बॅटरी चार्ज केल्याने बॅटरी खराबही होऊ शकते आणि कालांतराने तिची कार्यक्षमता देखील कमी होऊ शकते. याचबरोबरीने, तुमची बॅटरी नेहमी त्याच्या मूळ चार्जरनेच चार्ज करा.
प्रीकंडिशनिंग वैशिष्ट्य वापरा
अनेक इलेक्ट्रिक वाहने (EVs) प्रीकंडिशनिंग फीचरने सुसज्ज असतात, ज्यामुळे तुम्ही गाडीत बसण्यापूर्वी त्याचे केबिन थंड करू शकता. यामुळे बॅटरीवरील ताण कमी होतो आणि गाडी चालवताना तुम्हाला कम्फर्टेबली ड्रायव्हिंग करता येऊ शकते.
चांगल्या ठिकाणी सर्व्हिसिंग करा
अनेक लोकांना पैसे वाचवण्यासाठी स्थानिक बाजारपेठेत त्यांच्या वाहनांची सर्व्हिसिंग करण्याची सवय असते. बऱ्याचदा नवीन मुले तिथे काम करायला येतात, त्यांना कामाचा फारसा अनुभव नसतो, त्यामुळे ते त्यात काही कमतरता सोडतात ज्यामुळे तुमचे नुकसान होऊ शकते. उन्हाळ्याच्या सीझनमध्ये ही गोष्ट आणखी धोकादायक होते. सैल तारा आणि शॉर्ट सर्किटमुळे वाहनात आग लागू शकते. म्हणून, तुमच्या वाहनाची सर्व्हिसिंग वेळेवर आणि चांगल्या ठिकाणाहूनच करा.
नियंत्रण वेग
जर तुम्ही हाय स्पीड ड्रायव्हिंग आवडणाऱ्यांपैकी एक असाल तर कृपया या सीझनची देखील काळजी घ्या. कडक उन्हात जास्त वेग राखल्याने मोटर आणि बॅटरीवर जास्त दबाव येतो. यामुळे आग लागण्याचा धोका वाढतो, म्हणून वेग नियंत्रित ठेवा.
चार्जिंग केल्यानंतर तापमान तपासा
चार्जिंग केल्यानंतर कारच्या बॅटरीचे तापमान तपासा. जर बॅटरी खूप गरम झाली तर तिला काही वेळाकरता विश्रांती द्या.
गाडी तपासत राहा
इलेक्ट्रिक कारची बॅटरी, मोटर आणि चार्जिंग सिस्टम नियमितपणे तपासली पाहिजे. तुमच्या गाडीची नियमित देखभाल केल्याने तिचे आयुष्य वाढते आणि उष्णतेचे परिणाम कमी होतात.
टायरचा दाब तपासत राहा
उन्हाळ्यात, टायरचा दाब कमी होऊ शकतो, ज्यामुळे मायलेज कमी होते आणि टायर फुटण्याचा धोका वाढतो. त्यामुळे टायरवरचे प्रेशर नियमितपणे तपासत राहा.
प्रवासानंतर लगेच बॅटरी चार्ज करू नका
राईड दरम्यान लिथियम-आयन बॅटरी पॅक गरम राहतो आणि जेव्हा तुम्ही कुठूनतरी आल्यानंतर लगेच बॅटरी चार्जिंगला लावता, तेव्हा लांब राईडनंतर लगेच बॅटरी चार्ज केल्यास बॅटरी खराब होण्याचा धोका असतो.
हेही वाचा : Indian Spices :भारतीय मसाल्यांमध्ये दडलाय आरोग्याचा खजिना
संपादित – तनवी गुडे
Comments are closed.