एकनाथ खडसेंच्या मनातून भाजप जाईना, राष्ट्रवादीचा प्रचार करताना भाजपला मतदान करण्याचं आवाहन, कार

Eknath Khadse: भुसावळ येथे राष्ट्रवादी काँग्रेस शरद पवार गटाच्या (NCP Sharad Pawar Faction) उमेदवारांच्या प्रचारसभेत ज्येष्ठ नेते एकनाथ खडसे (Eknath Khadse) यांनी केलेल्या विधानामुळे राजकीय वर्तुळात मोठी चर्चा सुरू झाली आहे. राष्ट्रवादीच्या उमेदवारासाठी प्रचार करताना एकनाथ खडसे यांनी भर सभेत उपस्थित कार्यकर्त्यांसमोर थेट “भाजपला (BJP) मतदान करा”, असं आवाहन केल्याचं दिसून आलं. हे ऐकून सभेत क्षणभर गोंधळ निर्माण झाला होता.

यानंतर राष्ट्रवादीच्या कार्यकर्त्यांनी तात्काळ त्यांना तुतारीची आठवण करून दिल्यानंतर खडसे यांनी चूक दुरुस्त करत “तुतारीलाच मतदान करा” असं सांगितलं. अनेक वर्ष आपण भाजपमध्ये काम केलं असल्याने कमळाचा उल्लेख केला गेल्याचं स्पष्टीकरण त्यांनी दिले. मात्र एकनाथ खडसे यांच्या भाजपला मतदान करा, या वक्तव्याने राजकीय वर्तुळात चर्चांना उधाण आले आहे.

Eknath Khadse: मुक्ताईनगर प्रकरणानंतर खडसे पुन्हा चर्चेत

अलीकडेच मुक्ताईनगर नगरपालिका निवडणुकीत राष्ट्रवादी शरद पवार गटाने उमेदवार न देण्याचा निर्णय घेतला होता. खडसे यांनी तिथे राष्ट्रवादीचा उमेदवार ‘सक्षम नाही’ असा उल्लेख केला केला होता. यामुळे खडसे यांनी केंद्रीय मंत्री रक्षा खडसे यांना अप्रत्यक्ष फायदा मिळवून दिल्याची चर्चा मुक्ताईनगरमध्ये रंगली होती. आता भुसावळमधील त्यांच्या ताज्या विधानामुळे या चर्चांमध्ये आणखी धार आली आहे.

एकनाथ खडसेंवर मंगेश चव्हाण : मंगेश चव्हाणांची खडस्वार खोचक टिका

या प्रकरणावर भाजप आमदार मंगेश चव्हाण यांनी खोचक प्रतिक्रिया दिली आहे. ते म्हणाले की, “एकनाथ खडसे जर बिन बुलाया मेहमानाप्रमाणे आमचा प्रचार करत असतील आणि त्यामुळे भाजपची संघटन वाढत असेल, तर आम्हाला काही आक्षेप नाही. राष्ट्रवादीचे नेते शरद पवार यांनीच त्यांना आमदारकी दिली, ते मुख्यमंत्रीपदाचे दावेदार होते, पण आज ते भाजपचं नाव घेत आहेत. कदाचित पवार साहेबांनीच त्यांना भाजपचा प्रचार करायला सांगितला असावा,” असे टीका मंगेश चव्हाण यांनी एकनाथ खडसे यांच्यावर केली आहे.

Parola Nagarpalika: पारोळा नगरपालिकेत ‘शिवसेना विरुद्ध शिवसेना’

दरम्यान, जळगाव जिल्ह्यातील पारोळा नगरपालिका निवडणूक हा सध्या चर्चेचा मुख्य विषय ठरत आहे. येथे भाजप आणि शिवसेना शिंदे गटाने एकत्र येत चंद्रकांत पाटील यांचं नगराध्यक्ष पदासाठी नाव जाहीर केले आहे. तर राष्ट्रवादी (अजित पवार गट) आणि शिवसेना (उद्धव ठाकरे गट) यांच्या शहर विकास आघाडीच्या वतीने अंजली पवार मैदानात आहेत. त्यामुळे येथे थेट “शिवसेना विरुद्ध शिवसेना” अशी चुरशीची लढत पाहायला मिळत आहे.

आणखी वाचा

Eknath Khadse: माझ्यावर घराणेशाहीचा आरोप करणाऱ्यांची आता थोबाडं बंद, गिरीश महाजन तुम्ही कोणती शाई लावली? एकनाथ खडसेंचा खोचक सवाल

आणखी वाचा