पेट्रोल आणि डिझेलच्या वाढत्या किमतींमुळे आणि प्रदूषणमुक्त आणि पर्यावरणपूरक पर्याय म्हणून इलेक्ट्रिक वाहनांचा वापर झपाट्याने वाढत आहे. गेल्या वर्षभरात जिल्ह्यात 1296 इलेक्ट्रिक वाहने रस्त्यावर आली असून त्यात दुचाकी वाहनांचा वाटा सर्वाधिक आहे. इंधन खर्चात बचत आणि सुलभ देखभाल यामुळे इलेक्ट्रिक वाहनांना ग्राहकांकडून अधिक पसंती मिळत आहे.
विक्रेते स्नेहदीप मेश्राम म्हणाले की, गेल्या दोन वर्षांत 66 इलेक्ट्रिक दुचाकींची मागणी जवळपास दुप्पट झाली आहे. ग्रामीण भागातही लोक आता ई-वाहनांची चौकशी करतात. सरकारने चार्जिंग स्टेशन वाढवल्यास विक्री आणखी वाढेल.
मेड इन इंडिया कार जगभरात! या कंपनीने 12 लाख कार थेट निर्यात केल्या
उपप्रादेशिक परिवहन कार्यालयाच्या आकडेवारीनुसार जिल्ह्यात गेल्या वर्षभरात १२९६ ई-वाहनांची नोंदणी झाली आहे. 1070 दुचाकी, 179 तीनचाकी, 41 चारचाकी (एलएमव्ही) आणि 6 सहाचाकी (एलजीव्ही) आहेत. म्हणजेच नागरिकांनी प्रामुख्याने दुचाकी इलेक्ट्रिक वाहनांना पसंती दिली आहे. इको-फ्रेंडली आणि कमी खर्चिक पर्याय म्हणून इलेक्ट्रिक वाहनांना मोठी मागणी आहे. पेट्रोल आणि डिझेलच्या वाढत्या किमतींमुळे पारंपरिक वाहनांपेक्षा इलेक्ट्रिक वाहन चालवणे अधिक फायदेशीर ठरत आहे. त्यामुळे नागरिकांचा कल वाढला आहे.
टाटा मोटर्सला दिवाळीची लॉटरी लागली! ऑक्टोबर 2025 च्या विक्रीच्या आकडेवारीने प्रतिस्पर्ध्यांची झोप उडवली
चार्जिंग स्टेशनची कमतरता; वाहनधारकांची दुर्दशा
जिल्ह्यात इलेक्ट्रिक वाहनांचा वापर वाढत असला तरी चार्जिंग स्टेशनच्या सुविधेचा पूर्ण अभाव आहे. भंडारा आणि साकोली नगरपालिकांनी काही वर्षांपूर्वी 'माझी वसुंधरा अभियाना'अंतर्गत चार्जिंग स्टेशन सुरू केले होते; मात्र ते आता कार्यरत नाहीत. नागरिकांच्या म्हणण्यानुसार सरकारने ई-वाहनांच्या वापरास प्रोत्साहन दिले असले तरी त्यासाठी आवश्यक पायाभूत सुविधा निर्माण करण्यात प्रशासन मागे पडले आहे. चार्जिंग स्टेशन उभारल्याने या वाहनांचा वापर करणे सुलभ होऊन नागरिकांचा आत्मविश्वास वाढेल.
Comments are closed.