भारताचा स्टार फलंदाज अभिषेक शर्माने आशिया कप 2025 मध्ये कमाल फलंदाजी केली आणि टूर्नामेंटमध्ये सर्वाधिक धावा करणारा फलंदाज ठरला. त्याने त्याच्या शानदार खेळाने धुमाकूळ घातला होता. अभिषेक शर्माला आशिया कप 2025 साठी ‘प्लेयर ऑफ द सीरीज’चा खिताबही मिळाला. आशिया कपनंतर अभिषेकने भारतीय टी-20 कर्णधार सूर्यकुमार यादवबद्दल बोलताना सांगितले की, सूर्या माझ्यावर किती विश्वास ठेवतो. अभिषेकचे विधान चर्चेचा विषय ठरले आहे.
आशिया कप 2025 नंतर अभिषेक शर्मा ‘ब्रेकफास्ट विद चँपियन्स’ शोचा भाग झाला, जिथे त्याने त्याच्या करिअर आणि आशिया कप संबंधित अनेक प्रश्नांची उत्तरे दिली. याशिवाय, त्याने सूर्यकुमार यादवच्या त्या गोष्टींचाही उल्लेख केला, जेव्हा भारतीय कर्णधाराने त्याला सांगितले होते की, “तु जर 15 वेळा शून्यावरही आऊट झाला तरी मी तुम्हाला संधी देईन.” अभिषेकने सांगितले की, जेव्हा मला भारतीय संघात निवडण्यात आले, तेव्हा मी बांगलादेशविरुद्धच्या मालिकेत 3-4 डावामध्ये लवकर आऊट झालो होतो. तेव्हा त्याने मला सांगितले, “तु माझ्यासाठी इतका महत्वाचा खेळाडू आहेस की, जर तु 15 वेळा शून्यावरही आऊट झाला तरीही तु पुढचा सामना खेळशील. ही गोष्ट मी तुला लिहूनही देऊ शकतो.”
याशिवाय अभिषेक शर्माने युवराज सिंगबद्दलही बोलले. त्याने सांगितले की, काही वर्षांपूर्वी युवी म्हणाले होते, “मी तुम्हाला स्टेटसाठी, आयपीएलसाठी किंवा देशासाठी फक्त कॅप मिळवण्यासाठी तयार करत नाही. मी तुम्हाला भारतासाठी सामना जिंकण्यासाठी तयार करत आहे, याबद्दल मला पूर्ण खात्री आहे.” युवीला माझ्यावर पूर्ण विश्वास होता.
अभिषेक शर्माने आशिया कप 2025 मध्ये खेळलेल्या 7 सामन्यांमध्ये 44.85 च्या सरासरीने 314 धावा केल्या. त्यांनी 3 अर्धशतकेही आपल्या नावावर केली. या काळात त्याने 32 चौकार आणि 19 षट्कार मारले. आशिया कपमध्ये सर्वाधिक धावा करणाऱ्या फलंदाजांमध्ये कोणीही त्यांच्याजवळही नव्हते. श्रीलंकाच्या पाथुम निसांकाने 261 धावा केल्या आणि तो दुसऱ्या स्थानावर राहिला.
Comments are closed.