अंकारा: तुर्कीच्या उत्तर-पश्चिम भागातील शस्त्रास्त्र निर्मिती कारखान्यात मोठा स्फोट झाला. यामध्ये 12 जणांचा मृत्यू झाला आहे. तर अन्य चार जण जखमी झाले. बालिकेसिर शहराचे गव्हर्नर इस्माईल उस्टोग्लू यांनी सांगितले की कॅप्सूल उत्पादन क्षेत्रात स्थानिक वेळेनुसार 8:25 वाजता स्फोट झाला.
या स्फोटाबाबत तुर्कीचे गृहमंत्री अली येरलिकाया यांनी सांगितले की, या स्फोटामागील कारण अद्याप स्पष्ट झालेले नाही, मात्र अधिका-यांनी काही प्रकारचा कट असण्याची शक्यता नाकारली नाही.
परदेशी बातम्या वाचण्यासाठी येथे क्लिक करा करा
घटनास्थळावरून मिळालेल्या व्हिडिओमध्ये कारखान्यातून आगीचा गोला बाहेर पडताना इमारतीचा काही भाग उद्ध्वस्त होताना दिसत आहे आणि त्यानंतर काळा धूर निघताना दिसत आहे. राज्यपाल उस्टोग्लू यांनी सोशल मीडियावर एका पोस्टमध्ये मारल्या गेलेल्यांबद्दल शोक व्यक्त केला. तसेच जखमींच्या प्रकृतीत लवकर सुधारणा व्हावी, यासाठी त्यांनी शुभेच्छा दिल्या.
धमाका व्हिडिओ
#FPLive: वायव्य तुर्कीमधील दारूगोळा कारखान्यात स्फोट; किमान बारा लोक मारले गेले
— Firstpost (@firstpost) 24 डिसेंबर 2024
पथक तपासात गुंतले
आगीवर नियंत्रण मिळवण्यासाठी अनेक अग्निशमन दल आणि आरोग्य आणि सुरक्षा तुकड्या या भागात पाठवण्यात आल्याचे अधिकाऱ्यांनी सांगितले. स्फोटाचे कारण शोधण्यासाठी तपास सुरू करण्यात आल्याचे न्यायमंत्री यिलमाझ टुन्क यांनी सांगितले.
Comments are closed.