वर्ल्ड कप खेळायचा असेल तर, रोहित- विराटला ‘या’ माजी भारतीय खेळाडूने दिला मोठा सल्ला!

शुबमन गिलला (Shubman gill) वनडे संघाचा कर्णधार नियुक्त केल्यानंतर रोहित शर्मा (Rohit Sharma & Virat Kohli) आणि विराट कोहलीच्या वनडे भविष्यासंबंधी प्रश्न उभे राहिले आहेत. निवड समिती गिलला सर्व फॉरमॅटमध्ये खेळण्यायोग्य कर्णधार म्हणून पाहत आहे आणि भविष्यातील योजना लक्षात घेऊनच त्याला ऑस्ट्रेलिया दौऱ्यापूर्वी वनडे टीमची कमान दिली आहे.

या निर्णयामुळे माजी कर्णधार रोहितच्या भविष्यासंबंधी नव्या चर्चांना करत आहे. हिटमॅन (रोहित) 2027 चा वनडे विश्वचषक खेळू इच्छित आहे. पण तो खेळू शकेल की नाही, हे बोर्ड त्याला पुढील योजनांमध्ये कसे पाहत आहे यावर अवलंबून आहे.

या चर्चांदरम्यान माजी भारतीय अष्टपैलू खेळाडू इरफान पठाणचा (IIrfan Pathan) असा विश्वास आहे की, 2027 च्या वनडे विश्वचषकात भारताचे प्रतिनिधित्व करण्याची आशा जिवंत ठेवण्यासाठी रोहितला नियमितपणे घरगुती क्रिकेट खेळणे आवश्यक आहे.

बीसीसीआयने पुढील महिन्यात ऑस्ट्रेलिया दौऱ्यासाठी शुबमन गिलच्या नेतृत्वाखाली भारतीय संघाची निवड केली आहे, ज्यात रोहित आणि कोहली दोघेही आहेत. मे 2025 मध्ये आयपीएल संपल्यानंतर हे दोघे व्यावसायिक क्रिकेटमध्ये परत येणार आहेत.

तसेच पठाण यांनी हेही सांगितले की, जर त्याला 2027 मध्ये दक्षिण आफ्रिकेत होणाऱ्या पुढील विश्वचषकापर्यंत खेळत राहायचे असेल, तर दीर्घ काळासाठी स्पर्धात्मक क्रिकेटपासून विराम घेता येणार नाही.

इरफान पठाणने आपल्या यूट्यूब चॅनेलवर सांगितले, रोहित आणि विराट 2027 विश्वचषक खेळू इच्छित आहेत, पण गेम फिटनेस हे त्यांच्यासाठी मोठे आव्हान असेल. रोहितने आपल्या फिटनेसवर चांगले काम केले आहे आणि तो त्यावर लक्ष केंद्रित करत आहे. पण नियमित फिटनेस आणि गेम टाईम फिटनेस यामध्ये फरक आहे. जर तुम्ही नियमित क्रिकेट खेळत नसाल, तर त्याला काही गेम्स नक्की खेळावे लागतील. त्याला घरगुती क्रिकेट खेळावे लागेल.

माजी खेळाडूने पुढे सांगितले की, तो मोठा खेळाडू आहेत, पण भविष्यातील योजना आणि फिटनेस यावरच त्याचे वनडे करिअर अवलंबून आहे.