गौतम गंभीर अर्शदीप सिंग व्हिडिओ इंडस्ट्रीज विरुद्ध SA 2रा T20: भारत आणि दक्षिण आफ्रिकेत (Ind vs SA 2nd T20) सध्या पाच सामन्यांची टी-20 मालिका खेळवण्यात येत आहे. पहिल्या टी-20 मध्ये भारतीय संघाने (Team India) विजय मिळवला होता. त्यानंतर काल झालेल्या दुसऱ्या टी-20 सामन्यात दक्षिण आफ्रिकेने भारतावर विजय मिळवत मालिकेत 1-1 अशी बरोबरी केली. (Ind vs SA 2nd T20)
टीम इंडियाची गोलंदाजी खूप निराशाजनक राहिली. वेगवान गोलंदाज अर्शदीप सिंगने तर स्वत:च्या नावावर लाजिरवाणा विक्रम केला. 11 व्या षटकांत अर्शदीपने तब्बल 7 वाइड चेंडू टाकले. भारतासाठी टी20 क्रिकेटमध्ये सर्वाधिक विकेट्स घेणारा गोलंदाज असलेल्या अर्शदीपने या सामन्यात तब्बल 13 चेंडूची एक ओव्हर टाकली आणि 18 धावा दिल्या. अर्शदीपची ही कामगिरी पाहता सामना सुरु असताना टीम इंडियाचा मुख्य प्रशिक्षक गौतम गंभीर चांगलाच संतापला होता. यादरम्यानचा व्हिडीओही सध्या सोशल मीडियावर व्हायरल होत आहे. आता सामना संपल्यानंतर अर्शदीप सिंग आणि गौतम गंभीरचा व्हिडीओही समोर आला आहे. यावेळी गौतम गंभीर आणि अर्शदीप सिंग हात मिळवताचा दिसले. (Gautam Gambhir On Arshdeep Singh Video)
सलग 7 वाइड्स टाकल्याबद्दल गौतम गंभीर अजूनही अर्शदीप सिंगवर कसा रागावला आहे पहा 😨
कालच्या पराभवानंतर गौतम गंभीरने रागाने जितेश शर्मा आणि अर्शदीप सिंग सारख्या भारतीय खेळाडूंशी हस्तांदोलन केले 👀
– तुमचे काय मत आहे 🤔 pic.twitter.com/JMphNVM0RC
— रिचर्ड केटलबरो (@RichKettle07) १२ डिसेंबर २०२५
भारताचा निराशाजनक पराभव- (Ind vs SA 2nd T20)
भारत आणि दक्षिण आफ्रिकेत झालेल्या दुसऱ्या टी-20 सामन्यात टीम इंडियाचा कर्णधार सूर्यकुमार यादवने नाणेफेक जिंकून प्रथम गोलंदाजी करण्याचा निर्णय घेतला. तथापि, त्याचा निर्णय योग्य ठरला नाही आणि दक्षिण आफ्रिकेच्या संघाने 20 षटकांत 4 गडी गमावून 213 धावा केल्या. डीकॉक व्यतिरिक्त, दक्षिण आफ्रिकेच्या इतर कोणत्याही फलंदाजाने मोठी खेळी केली नसली तरी दक्षिण आफ्रिकेच्या फलंदाजांनी खेळाडूने वेगवान फलंदाजी केली. डीकॉकने कर्णधार एडेन मार्करामसोबत या सामन्यात सर्वात मोठी भागीदारी केली, दोन्ही फलंदाजांनी तिसऱ्या विकेटसाठी 83 धावांची भागीदारी केली. मोठ्या लक्ष्याचा पाठलाग करताना भारताला फक्त 162 धावा करता आल्या आणि 51 धावांनी पराभव पत्करावा लागला. या सामन्यात टीम इंडियाची फलंदाजी खूपच निराशाजनक होती. या सामन्यात टॉप ऑर्डरला काही खास करता आले नाही. शुभमन गिल खाते न उघडताच बाद झाला. सलामीवीर अभिषेक शर्मा देखील 17 धावा काढून बाद झाला. बऱ्याच काळापासून अपयशी ठरलेला कर्णधार सूर्यकुमार यादव देखील या सामन्यात काही खास कामगिरी करू शकला नाही. सूर्यकुमार 5 धावा काढून बाद झाला.
संबंधित बातमी:
आणखी वाचा
Comments are closed.