गोखले पूल उद्यापासून खुला

पश्चिम उपनगरातील वाहतूककाsंडी पह्डणारा अंधेरीचा गोखले पूल रविवार, 11 मे रोजी संध्याकाळी 5 वाजता वाहतुकीसाठी पूर्ण क्षमतेने खुला केला जाणार आहे. मुंबई महापालिकेकडून बांधण्यात येणाऱया या पुलाचे बांधकाम एप्रिलच्या अखेरीला पूर्ण झाले होते. मात्र, इतर कामे तसेच वाहतूक विभागाकडून हिरवा झेंडा दाखवला जाणे बाकी होते. हा पूल सुरू झाल्यानंतर दोन्ही बाजूने वाहतूक सुरू होणार असून पश्चिम उपनगरातील जुहू, अंधेरी, विलेपार्ले, सांताक्रूझमधील रहिवासी आणि वाहनचालकांना मोठा दिलासा मिळणार आहे.

गोखले पूल आणि सी. डी. बर्फीवाला पूल या दोन्ही पुलांची उंची समसमान केल्यानंतर गोखले पुलाची एक मार्गिका 4 जुलै 2024 साली सुरू करण्यात आली होती. मात्र, त्यानंतर पुलाचे पुढील काम सुरूच होते. त्यापैकी आता गोखले पूल रविवार, 11 मे रोजी तर विक्रोळी पूल 31 मेपर्यंत वाहतुकीसाठी खुला केला जाणार आहे.