दिवाळीला सोनं ग्राहकांना देणार मोठा झटका, दरात नेमकी किती होणार वाढ? जाणून घ्या सविस्तर माहिती

सोन्याची किंमत: दिवसेंदिवस सोन्या चांदीच्या दरात मोठी वाढ होत असल्याचं चित्र पाहायला मिळत आहे. जागतिक बाजारातील अस्थिरतेमुळं गुंतवणूकदारांचा सोन्यातील रस सातत्याने वाढत आहे. या वर्षी, सराफा बाजारातून अंदाजे 60 टक्के परतावा मिळाला आहे, तर 2022 पासून किमतींमध्ये अंदाजे 140 टक्के वाढ झाली आहे. जागतिक आर्थिक बदल आणि चलनविषयक धोरणांबाबतच्या अपेक्षांमुळे सोन्याच्या किमतीत ही वाढ झाल्याचे बाजार तज्ज्ञांचे म्हणणे आहे.

धनत्रयोदशीला सोने 1.50लाख रुपयांच्या पुढे जाण्याची शक्यता

या धनत्रयोदशीला सोन्याची किंमत प्रति 10 ग्रॅम अंदाजे 1 लाख 30 हजार रुपयांपर्यंत पोहोचू शकते. एसएमसी ग्लोबल सिक्युरिटीजच्या कमोडिटीज रिसर्च प्रमुख वंदना भारती यांच्या मते, वर्षाच्या अखेरीस किंवा पुढील वर्षाच्या सुरुवातीला सोन्याची किंमत सुमारे 1 लाख 50 हजार रुपयापर्यंत पोहोचू शकते. दरम्यान, धनत्रयोदशीला त्याची किंमत 1 लाख 20 हजार ते 1 लाख 30 हजार दरम्यान असण्याची अपेक्षा आहे. जागतिक आर्थिक अनिश्चितता, भू-राजकीय तणाव आणि अमेरिकन फेडरल रिझर्व्हकडून व्याजदर कपातीची वाढती अपेक्षा यामुळे सोन्याच्या किमतीत ही वाढ दिसून येत आहे.

सोन्याचे दर वाढण्याची काय आहेत कारण?

तज्ञांचा अंदाज आहे की 2026 मध्ये सोन्याच्या किमती वाढू शकतात. 1 लाख 50 हजार रुपयांच्या पुढे जाण्याची शक्यता कमी मानली जाते. जगभरातील मध्यवर्ती बँका सतत सोने खरेदी करत आहेत आणि शेअर बाजारातील अस्थिरतेमुळे गुंतवणूकदार सोन्यात गुंतवणूक करत आहेत.

जागतिक टॅरिफवरील नवीन तणावामुळे सोन्याच्या किमतीत सकारात्मक कल दिसून आला. युरोपियन युनियन, कॅनडा आणि मेक्सिकोसह व्यापारी भागीदारांवर अमेरिकेने अतिरिक्त टॅरिफ लादल्यामुळे आणि डॉलर निर्देशांकातील व्यापक कमकुवतपणामुळे सोने हे एक आवडते सुरक्षित गुंतवणूक ठिकाण बनले आहे. वाढत्या टॅरिफ अनिश्चिततेमुळे, रशिया-युक्रेन युद्ध वाढण्याची शक्यता आणि ईटीएफ गुंतवणूकदार आणि मध्यवर्ती बँकांकडून विविधीकरणाची वाढती मागणी यामुळे सोन्याने पुन्हा एकदा वेग घेतला आहे. किमती त्यांच्या सर्वकालीन उच्चांकाकडे जाण्याच्या तयारीत आहेत.

कोणत्या देशात सर्वात जास्त सोन्याचे साठे?

कोणत्या देशात सर्वात जास्त सोने?

जगातील सर्वात मोठे सोन्याचे साठे रशिया आणि ऑस्ट्रेलियामध्ये आहेत. यूएस जिओलॉजिकल सर्व्हेच्या अहवालानुसार, सायबेरिया, रशिया आणि पश्चिम ऑस्ट्रेलिया, ऑस्ट्रेलियामध्ये सोन्याचे खाणकाम मोठ्या प्रमाणात आहे. 2024 मध्ये रशियाचे सोन्याचे उत्पादन दरवर्षी अंदाजे 310 मेट्रिक टन असल्याचा अंदाज होता.

ऑस्ट्रेलियामध्ये अंदाजे 12000 मेट्रिक टन सोन्याचे साठे असल्याचा अंदाज आहे, ज्यामध्ये वार्षिक सोन्याचे उत्पादन अंदाजे 320 ते 330  मेट्रिक टन आहे. त्यानंतर कॅनडा आणि चीन आहेत, ज्यांचे अंदाजे अनुक्रमे अंदाजे 3200 मेट्रिक टन आणि 3100 मेट्रिक टन साठे आहेत. अमेरिकेकडेही अंदाजे 3000 मेट्रिक टन सोन्याचे साठे आहेत.

महत्वाच्या बातम्या:

ना अमेरिका ना दुबई ‘या’ देशात आहेत जगातील सर्वात मोठे सोन्या-चांदीचे साठे? जाणून घ्या सविस्तर माहिती

आणखी वाचा