चांगली बातमी! दिवाळीपूर्वीच सरकारकडून भेट; सरकारी कर्मचारी, पेन्शनधारकांच्या महागाई भत्त्यात वाढ

लखनौ: दिवाळी सणाच्या पार्श्वभूमीवर सरकारी कर्मचारी आणि पेन्शनधारकांच्या महागाई भत्त्यात वाढ करण्यात आली आहे. त्यामुळे नोटबंदीपूर्वीच कर्मचाऱ्यांना एक प्रकारची भेट मिळाली आहे. याबाबतचा निर्णय उत्तर प्रदेश सरकारने घेतला आहे. त्यानुसार सरकारी कर्मचारी आणि पेन्शनधारकांच्या महागाई भत्त्यात तीन टक्क्यांनी वाढ होणार आहे.

उत्तर प्रदेश सरकारकडून राज्य कर्मचाऱ्यांसाठी हा एक प्रकारचा दिवाळी बोनस असेल. मुख्यमंत्री योगी आदित्यनाथ त्यांनी राज्यातील कर्मचारी आणि पेन्शनधारकांना मोठी भेट दिली आहे. त्यांनी त्यांच्या महागाई भत्ता (DA) आणि महागाई मदत (DR) मध्ये 3 टक्के वाढ जाहीर केली आहे. राज्यातील सर्व पात्र 16.35 लाख कर्मचारी आणि 11.52 लाख निवृत्ती वेतनधारकांना 55 टक्क्यांऐवजी 58 टक्के दराने भत्ता मिळेल. ही वाढ 1 जुलै 2025 पासून लागू होईल.

दरम्यान, मुख्यमंत्र्यांनी सांगितले की, राज्य सरकार आपले कर्मचारी आणि पेन्शनधारकांच्या कल्याणासाठी कटिबद्ध आहे. महागाईच्या परिणामांपासून दिलासा देणे आणि त्यांचे जीवनमान सुधारणे हे आमचे प्राधान्य आहे.

1960 कोटींचा अतिरिक्त आर्थिक बोजा

या निर्णयामुळे राज्य सरकारवर मार्च 2026 पर्यंत 1960 कोटी रुपयांचा अतिरिक्त आर्थिक बोजा पडणार आहे. ऑक्टोबरपासून वाढीव महागाई भत्ता आणि मदत रोख स्वरूपात द्यावी, असे निर्देश मुख्यमंत्र्यांनी दिले आहेत. या व्यवस्थेअंतर्गत, नोव्हेंबर 2025 मध्ये 795 कोटी रुपयांचा अतिरिक्त रोख खर्च असेल, तर जुनी पेन्शन योजना (OPS) अंतर्गत समाविष्ट असलेल्या कर्मचाऱ्यांच्या GPF मध्ये 185 कोटी रुपये जमा केले जातील.

550 कोटी खर्च होणार आहे

सरकारी आकडेवारीनुसार, जुलै ते सप्टेंबर 2025 या कालावधीतील थकबाकी भरण्यासाठी अतिरिक्त 550 कोटी रुपये लागतील. डिसेंबर 2025 पासून राज्य सरकार दरमहा 245 कोटी रुपयांचा अतिरिक्त खर्च उचलणार आहे.

ही वेतनवाढ केवळ सरकारी विभागातील नियमित कर्मचाऱ्यांसाठीच नाही तर…

या महागाई भत्त्याचा फायदा केवळ सरकारी विभागातील नियमित कर्मचाऱ्यांनाच नाही तर अनुदानित शैक्षणिक संस्था, तांत्रिक शैक्षणिक संस्था, शहरी स्थानिक स्वराज्य संस्था, कार्यकारी कर्मचारी आणि UGC वेतनश्रेणीतील कर्मचाऱ्यांनाही होणार आहे. या निर्णयामुळे सणासुदीच्या काळात राज्याच्या अर्थव्यवस्थेलाही चालना मिळणार आहे.

हे देखील वाचा: मुख्यमंत्री योगी यांना जीवे मारण्याची धमकी : योगी आदित्यनाथ यांना महाराष्ट्रातून कोणीतरी दिली होती धमकी; नेमके प्रकरण काय आहे?