8व्या वेतन आयोगाबाबत सरकारने सूचना मागवल्या आहेत

वृत्तसंस्था/ नवी दिल्ली

देशभरातील सुमारे 1.1 कोटी केंद्रीय कर्मचारी आणि पेन्शनधारक आठव्या वेतन आयोगांतर्गत सुधारित वेतन आणि पेन्शन जाहीर होण्याची प्रतिक्षा करत असतानाच सरकारने यासंबंधी कर्मचाऱ्यांकडून शिफारशी मागवल्या आहेत. अधिकृत निवेदनानुसार, हे सबमिशन 30 एप्रिल 2026 पर्यंत स्वीकारले जातील. आयोगाने त्यांच्या वेबसाइटवर सेवारत कर्मचारी आणि पेन्शनधारकांच्या संघटना आणि संस्था तसेच वैयक्तिक कर्मचारी, पेन्शनधारक आणि इच्छुक व्यक्तींकडून सूचना मागवल्या आहेत. निवेदन किंवा प्रतिनिधित्वासाठी ऑनलाइन संरचित स्वरूप देखील जारी करण्यात आले आहे. सरकारच्या बाजूने आठव्या वेतन आयोगाच्या स्थापनेपासून गेल्या महिन्यात झालेल्या बैठकीसह लक्षणीय प्रगती झाली आहे. यातच आता आठव्या केंद्रीय वेतन आयोगाने सर्व भागधारकांकडून मते आणि सूचना मागवल्यामुळे कर्मचाऱ्यांना लवकरच ‘गुड न्यूज’ मिळेल असे संकेत मिळत आहे.