बडोदा विरुद्ध विदर्भासाठी हार्दिक पंड्याचे शतक : न्यूझीलंडविरुद्धच्या एकदिवसीय मालिकेसाठी भारतीय संघाची निवड होण्याआधीच हार्दिक पांड्याने आपली ताकद दाखवून दिली आहे. विजय हजारे ट्रॉफीमध्ये बडोद्याकडून खेळताना हार्दिकने विदर्भाविरुद्ध तुफानी शतक झळकावत क्रिकेटप्रेमींना थक्क केलं. राजकोटमधील खांदेरी येथील निरंजन शाह स्टेडियमवर झालेल्या या सामन्यात हार्दिक पांड्याने धुमाकूळ घातला.
6 चेंडूत ठोकल्या 34 धावा
डावाच्या सुरुवातीला हार्दिकने संयमी भूमिका घेतली. 44 चेंडूमध्ये त्याने पाच चौकार आणि तीन षटकारांच्या मदतीने आपले अर्धशतक पूर्ण केले. मात्र अर्धशतकानंतर जणू त्याने गियर बदलला. 38 व्या षटकापर्यंत तो 66 धावांवर होता, पण पुढच्याच षटकात त्याने गोलंदाजांवर अक्षरशः तुटून पडत सलग 5 षटकार आणि 1 चौकार ठोकला. अवघ्या सहा चेंडूंमध्ये 34 धावा काढत हार्दिकने आपले शतक पूर्ण केले.
6⃣,6⃣,6⃣,6⃣,6⃣,4⃣ 🔥
पहिली यादी A 💯 काही शैलीत आणली 🔥
हार्दिक पंड्या विदर्भाविरुद्ध 62 चेंडूत 66 धावांवर खेळत होता… आणि त्यानंतर त्याने 39व्या षटकात 5 षटकार आणि एक चौकार मारत 100 धावा पूर्ण केल्या.
स्कोअरकार्ड ▶️ https://t.co/MFFOqaBuhP#विजय हजारेट्रॉफी… pic.twitter.com/pQwvwnI7lb
— BCCI डोमेस्टिक (@BCCIdomestic) ३ जानेवारी २०२६
हार्दिकने केवळ 68 चेंडूंमध्ये हे शतक झळकावले. विशेष म्हणजे, दक्षिण आफ्रिकेविरुद्धच्या टी-20 मालिकेनंतर हा त्याचा पहिलाच 50 षटकांचा स्थानिक सामना होता, आणि पहिल्याच डावात त्याने आपली पूर्ण तयारी दाखवून दिली. या डावात हार्दिकने एकूण 8 षटकार आणि 6 चौकार मारले, तर त्याचा स्ट्राईक रेट 143 पेक्षा जास्त होता.
वेगवान शतकाने नवा विक्रम!
हे शतक हार्दिक पांड्याच्या कारकिर्दीतील पहिले लिस्ट ‘ए’ शतक ठरले. आतापर्यंत 119 लिस्ट ‘ए’ सामने खेळलेल्या हार्दिकने 2,350 पेक्षा जास्त धावा केल्या असून 13 अर्धशतके झळकावली आहेत. या सामन्यात बडोद्याचे इतर फलंदाज अडचणीत असताना हार्दिकने एकहाती डाव सावरत संघाला सन्मानजनक स्थितीत नेलं. भारतीय संघाच्या निवडीआधी आलेली ही खेळी म्हणजे निवडकर्त्यांसाठी जोरदार संदेशच ठरला आहे.
न्यूझीलंडविरुद्धच्या एकदिवसीय मालिकेत विश्रांती?
क्रिकेट वेबसाइट क्रिकबझच्या वृत्तानुसार, हार्दिक पांड्या आणि जसप्रीत बुमराह न्यूझीलंडविरुद्धच्या एकदिवसीय मालिकेत खेळणार नाहीत. दोन्ही खेळाडूंना विश्रांती देण्यात आल्याचे वृत्त आहे. बुमराह 2023 च्या विश्वचषक अंतिम सामन्यापासून या फॉरमॅटमध्ये खेळलेला नाही, तर हार्दिक पांड्या या वर्षी आयसीसी चॅम्पियन्स ट्रॉफीच्या अंतिम सामन्यापासून खेळलेला नाही.
दोन्ही संघांमधील एकदिवसीय मालिका 11 जानेवारी रोजी वडोदरा येथे सुरू होईल, मालिकेचा दुसरा सामना 14 जानेवारी रोजी राजकोट आणि 18 जानेवारी रोजी इंदूर येथे होणार आहे. आगामी टी-20 विश्वचषक 2026 मध्ये बुमराह आणि पांड्या यांचा सहभाग लक्षात घेऊन संघ व्यवस्थापन आणि निवडकर्त्यांनी हा निर्णय घेतला आहे. या प्रमुख स्पर्धेसाठी त्यांच्या तंदुरुस्तीसाठी दोन्ही खेळाडूंची तंदुरुस्ती महत्त्वाची आहे.
हे ही वाचा –
आणखी वाचा
Comments are closed.