क्रीडा

INDW vs WIW; हरमनप्रीत कौरने एका हाताने घेतला आश्चर्यकारक झेल, पाहा VIDEO

By Marathi

भारत विरुद्ध वेस्ट इंडिज महिला संघांदरम्यान 3 सामन्यांची एकदिवसीय आंतरराष्ट्रीय मालिका सुरू झाली आहे. याआधी दोन्ही संघांमध्ये टी-20 मालिका खेळवली गेली होती. जो की भारताने 2-1 ने जिंकला. आता भारताने एकदिवसीय मालिकेची सुरुवातही विजयाने केली. मालिकेतील पहिला सामना वडोदरा येथील कोटंबी स्टेडियमवर झाला. या सामन्यात भारतीय महिला संघाची कर्णधार हरमनप्रीत कौरने एका हाताने आश्चर्यकारक झेल घेतला. प्रत्येक वेळी तुम्ही हा झेल पाहाल तेव्हा तुम्हाला त्याचा आनंद मिळेल.

वास्तविक, वेस्ट इंडिजचा संघ 315 धावांच्या मोठ्या धावसंख्येचा पाठलाग करत होता. 11 धावांवर संघाच्या चार विकेट पडल्या होत्या. आलिया ॲलेने आणि शमीन कॅम्पबेल क्रीजवर होते. दोघेही धावा काढू पाहत होते. अशा स्थितीत आलियाला रेणुका सिंह ठाकूरचा चेंडू लाँग ऑनवर खेळायचा होता. कारण कर्णधार हरमनप्रीत कौर 25 यार्डच्या परिघात उभी होती. हरमनला चकमा देत तिला चाैकार मारायचे होते. पण हरनप्रीत कौरने हे होऊ दिले नाही.

हरमनप्रीत कौरने जेव्हा बॉल आपल्या दिशेने येत असल्याचे पाहिले तेव्हा ती थोडी मागे गेली आणि योग्य वेळी हवेत उडी मारली आणि उजव्या हाताने झेल पकडला. चेंडू कसातरी हरमनच्या हाताला अडकला. अशाप्रकारे वेस्ट इंडिजचा निम्मा संघ 26 धावांवर पॅव्हेलियनमध्ये परतला. हा चेंडू तिच्या हातात कसा आला याचं स्वतः कर्णधार हरमनला आश्चर्य वाटलं, कारण आलिया ॲलेने खूप वेगवान शॉट खेळला होता.

पाहा व्हिडिओ –

या सामन्यात वेस्ट इंडिज संघाला 211 धावांच्या मोठ्या फरकाने पराभव स्वीकारावा लागला. प्रथम फलंदाजी करताना भारतीय संघाने स्मृती मानधनाच्या 91 धावांच्या झंझावाती खेळीमुळे 50 षटकात 9 गडी गमावून 314 धावा केल्या. प्रत्युत्तरात वेस्ट इंडिजचा संघ 103 धावांवर गडगडला. भारताने मालिकेत 1-0 अशी आघाडी घेतली आहे. दुसरा सामना मंगळवार 24 डिसेंबर रोजी होणार आहे.

हेही वाचा-

पाकिस्तानचा ऐतिहासिक विक्रम, दक्षिण आफ्रिकेत अशी कामगिरी करणारा पहिलाच संघ
IND-W vs WI-W: टीम इंडियाने रचला इतिहास, पहिल्या वनडे मध्ये केला मोठा पराक्रम
चॅम्पियन्स ट्रॉफी 2025 चे वेळापत्रक जाहीर, या दिवशी भारत-पाकिस्तान सामना रंगणार

Marathi 852 posts 0 comments
You might also like More from author

Comments are closed.