हरियाणा न्यूज: हरियाणा सरकारने सर्व विभागांना सरकारी पत्रव्यवहार आणि इतर अधिकृत कामांमध्ये अनुसूचित जाती आणि अनुसूचित जमातींच्या संदर्भात “हरिजन” आणि “गिरिजन” सारखे शब्द वापरू नयेत असे निर्देश दिले आहेत.
भारतीय राज्यघटनेत अनुसूचित जाती आणि अनुसूचित जमातीसाठी हे शब्द वापरलेले नसून केवळ राज्यघटनेत नमूद केलेल्या अनुसूचित जाती आणि अनुसूचित जमाती या शब्दांचा वापर सर्व अधिकृत कामांमध्ये करण्यात यावा, असे या सूचनांमध्ये स्पष्ट करण्यात आले आहे.
शासनाच्या निदर्शनास आले आहे की, यापूर्वी निर्देश देऊनही काही विभागांकडून “हरिजन” आणि “गिरीजन” हे शब्द वापरले जात आहेत. त्याची दखल घेत राज्य सरकारने सर्व विभागांना केंद्र सरकारच्या सूचनांचे काटेकोरपणे पालन करण्याचे आणि सर्व अधिकृत बाबींमध्ये या शब्दांचा वापर तात्काळ बंद करण्याच्या सूचना दिल्या आहेत.
Comments are closed.