आरोग्य उत्तम राखण्यासाठी योगासने खूप महत्वाची आहेत. आजच्या धावपळीच्या जीवनात, निरोगी राहण्यासाठी जिममध्ये जाऊन योगा किंवा कसरत करणे खूप महत्वाचे आहे. योगा केल्याने तुमचे शरीर तर निरोगी राहतेच पण मानसिक आरोग्यही चांगले राहते. योगा केल्याने तुमच्या शरीराला अनेक फायदे होतात. योगा करण्यापूर्वी बरेच लोक केळी खातात, परंतु या व्यतिरिक्त, तुम्ही वर्कआउटपूर्वी कोणते पदार्थ खाऊ शकता ते जाणून घेऊयात. वर्कआऊटमुळे तुम्हाला तणाव आणि नैराश्यासारख्या समस्यांपासूनही आराम मिळतो. पण वर्कआऊट करण्यापूर्वी कोणता आहार घ्यावा याबद्दल अनेक लोक गोंधळलेले असतात. चला तर मग जाणून घेऊया अशा काही पदार्थांबद्दल जे योगा करण्यापूर्वी खाल्ल्यास तुम्हाला ऊर्जा मिळेल आणि त्याचबरोबर अनेक फायदेही मिळतील.
लापशी
तुम्ही योगा करण्यापूर्वी किंवा जिममध्ये व्यायाम करण्यापूर्वी गव्हाची लापशी देखील खाऊ शकता. यामध्ये फायबर आणि पोटॅशियम सारखे पोषक घटक असतात जे ऊर्जा वाढवतात आणि योगा केल्याने तुम्हाला अधिक फायदे मिळतात.
कलिंगड
उन्हाळ्यात योगा करण्यापूर्वी तुम्ही कलिंगड खाऊ शकता. कलिंगडामध्ये व्हिटॅमिन सी, व्हिटॅमिन ए, पोटॅशियम सारखे पोषक घटक असतात. जे तुमचे शरीर हायड्रेट ठेवते आणि ऊर्जा देखील वाढवते.
ओट्स
योगा करण्यापूर्वी तुम्ही ओट्स देखील खाऊ शकता. त्यात भरपूर कार्बोहायड्रेट आणि फायबर असते जे पचनसंस्था निरोगी ठेवते, म्हणून तुम्ही योगा करण्यापूर्वी 30 मिनिटे आधी ते खाऊ शकता. हे तुमची ऊर्जा पातळी देखील राखते.
फळांचा रस
योगा करण्यापूर्वी तुम्ही कलिंगड ,संत्री यांसारख्या फळांचा रस देखील पिऊ शकता. यामध्ये व्हिटॅमिन सी आणि अँटीऑक्सिडंट्स भरपूर प्रमाणात असतात जे तुमच्या शरीराला थंडावा देतात आणि ऊर्जा देखील वाढवतात आणि तुमची त्वचा चमकदार बनवतात.
योगा करण्यापूर्वी या गोष्टी खाल्ल्याने तुम्हाला ऊर्जा तर मिळेलच पण तुमची त्वचाही चमकदार राहील आणि तुमची पचनसंस्था आणि हृदयाचे आरोग्यही निरोगी राहील.
हेही वाचा : Health Tips : ऍनिमिया ठेवा दूर या सुपरफूड्सनी
संपादित – तनवी गुडे
Comments are closed.