लातूरमधील हायवेवर हिट अँड रन; भीषण अपघातात बहिण-भावाचा मृत्यू; बोलेरो अन् ट्रकसह चालक फरार

लातूर : जिल्ह्यातील राष्ट्रीय महामार्गावर दाबा अँड रनचा (Hit and Run) धक्कादायक प्रकार घडला असून भीषण अपघातात (Accident) बहिण-भावाचा जागीच मृत्यू झाला आहे. औसा–निलंगा राष्ट्रीय महामार्गावर आज दुपारी घडलेल्या भीषण अपघातात वाघोली येथील बहिण-भावाचा जागीच मृत्यू झाला. बोलेरो गाडी आणि ट्रकच्या दरम्यान आलेल्या दुचाकीला दोन्ही वाहनांनी धडक दिल्याने हा अपघात झाला. धडक दिल्यानंतर दोन्ही वाहने घटनास्थळावरून फरार झाली असून पोलिसांकडून त्यांचा शोध सुरू आहे. घटनास्थळी (Latur) स्थानिक व वाहनांनी गर्दी केली होती, पोलिसांना घटनेची माहिती मिळताच ते घटनास्थळी दाखल झाले असून पंचनामा करण्यात आला आहे.

औसा शहरातील पोतदार शाळेसमोर ही दुर्घटना घडली. बहिणीला कॉलेजला सोडण्यासाठी भाऊ प्रसाद शिंदे आणि गायत्री शिंदे हे दुचाकीवरून लातूरकडे निघाले होते. दरम्यान, लातूरकडे जाणाऱ्या बोलेरो गाडी आणि ट्रकच्यामध्ये दुचाकी आल्याने बोलिरून जोरदार धडक दिली. त्यात दुचाकीचा तोल जाऊन दोघे रस्त्यावर पडले, आणि त्याच वेळी ट्रकने त्यांना चिरडले. या भीषण अपघातात दुचाकीवरील दोघांचा जागीच मृत्यू झाला. अपघातानंतर बोलेरो आणि ट्रक दोन्ही वाहनांचे चालक वाहनांसह घटनास्थळावरून पळून गेले आहेत. पोलिसांकडून सध्या दोन्ही वाहनांचा शोध सुरू आहे. पोलिसांचे पथक शोधासाठी रवाना करण्यात आल्याची माहिती औसा पोलीस ठाण्याचे अधिकारी नूतनीकरण दमा यांनी दिली. दरम्यान, अपघाताची माहिती मिळताच औसा पोलिसांनी तत्काळ घटनास्थळी धाव घेतली असून पंचनामा करुन दोन्ही वाहनांचा शोध सुरू आहे.

लातूरमध्ये शिक्षणासाठी होती मुलगी

दरम्यान, या घटनेत वाघोली येथील रहिवासी पद्माकर शिंदे यांचा मुलगा प्रसाद आणि मुलगी गायत्री या दोघांचा दुर्दैवी मृत्यू झाला. पद्माकर शिंदे हे शेती आणि दुग्ध व्यवसाय करतात. मुलगी गायत्री ही लातूरमध्ये शिक्षण घेत होती, तर प्रसाद वडिलांना शेती आणि दुधाच्या कामात मदत करत होता. पद्माकर शिंदे यांची ही दोनच अपत्यं असल्याने त्यांच्या कुटुंबावर दुःखाचा डोंगर कोसळला आहे. घटनेची बातमी कळताच वाघोली गावात शोककळा पसरली असून परिसरात हळहळ व्यक्त होत आहे.

हेही वाचा

मोठी बातमी! तुकडाबंदी अधिनियमातील सुधारणेस मंजुरी, मंत्रिमंडळ बैठकीत 9 महत्त्वाचे निर्णय

आणखी वाचा