पुणे, 31 जानेवारी: उत्तराखंडमध्ये होणाऱ्या 38व्या राष्ट्रीय क्रीडा स्पर्धेसाठी हॉकी महाराष्ट्राच्या पुरुष आणि महिला संघांचे कर्णधारपद अनुक्रमे आंतरराष्ट्रीय देविंदर वाल्मिकी आणि प्रियांका वानखेडे हिच्याकडे सोपविण्यात आले आहे. दोन्ही संघांच्या उपकर्णधारपदी अनुक्रमे अनिकेत गुरव आणि भावना खाडे यांची निवड करण्यात आली आहे.
हॉकी महाराष्ट्रचे अध्यक्ष आणि आयपीएस (एडीजी फोर्स वन, महाराष्ट्र पोलीस) कृष्ण प्रकाश यांनी मेजर ध्यानचंद हॉकी स्टेडियम, नेहरूनगर येथे वरिष्ठ उपाध्यक्ष मनोज भोरे यांच्या उपस्थितीत 18 सदस्यीय संघांची घोषणा केली आणि दोन्ही संघांना शुभेच्छा दिल्या.
हॉकी स्पर्धा 4 ते 14 फेब्रुवारी 2025 या कालावधीत होतील. महाराष्ट्र पुरुष संघाचा ब गटात समावेश असून सलामीची लढत 5 फेब्रुवारीला तामिळनाडू विरुद्ध सुरुवात होईल, त्यानंतर उत्तर प्रदेश (6 फेब्रुवारी), उत्तराखंड (8 फेब्रुवारी) आणि हरियाणाविरुद्ध (10 फेब्रुवारी) सामने होतील.
महिलांचा ब गटात समावेश असून सलामीचा सामना यजमान उत्तराखंडविरुद्ध (5 फेब्रुवारी) होईल. त्यानंतर महाराष्ट्र संघ झारखंड (7 फेब्रुवारी), मिझोराम (9 फेब्रुवारी) आणि मणिपूर (10 फेब्रुवारी) संघाशी दोन हात करेल.
महाराष्ट्राचे संघ –
पुरुष संघटना: शिवरतन रसाळ (गोलकीपर), योगेश बोरकर, निखिल परदेशी, गणेश पाटील, व्यंकटेश देवकर, राहुल शिंदे, सचिन कोळेकर, रईस मुजावर, रोहन पाटील, व्यंकटेश केंचे, तालेब शहा, अनिकेत गुरव (उपकर्णधार), हरीश शिंदगी, दर्शन गावकर, धैर्यशील जाधव, देविंदर वाल्मिकी (कर्णधार), आदित्य लाळगे, किरण मोहिते (गोलकीपर).
प्रशिक्षक: विक्रम पिल्ले, सहाय्यक प्रशिक्षक: सागर कारंडे. व्यवस्थापक: मुथन्ना बी. के.
महिला संघटना: दीक्षिता वझेल (गोलकीपर), सशिप्रभा चतुर्वेदी, निक्कू गुर्जर, भाग्यश्री शिंदे, भावना खाडे (उपकर्णधार), दुर्गा शिंदे, शालिनी साकुरे, मोनिका तिर्की, अश्विनी कोळेकर, काजल आटपाडकर, योगिता बोरा, ऐशकान, प्रियंका सिंग, प्रियंका वानखेडे (कर्णधार), मनश्री शेडगे, हिमांशी गावंड, सानिका माने, सायली वझाडे (गोलकीपर).
प्रशिक्षक: सागरसिंग ठाकूर, सहाय्यक प्रशिक्षक: रीता जैनवाल. व्यवस्थापक: वैशाली सुल सोनवार, फिजिओ: अमिषा सरवदे.
Comments are closed.