नेपाळच्या धाडिंग जिल्ह्यात सोमवारी पहाटे एक भीषण बस अपघात झाला, ज्यामध्ये 18 जणांना आपला जीव गमवावा लागला. पोखराहून काठमांडूला जाणारी प्रवासी बस त्रिशूली नदीत पडली. भारतीय वेळेनुसार रात्री एक वाजण्याच्या सुमारास चिनाधारा परिसरात हा अपघात झाला. बसमध्ये काही परदेशी पर्यटकांसह सुमारे 40 ते 45 प्रवासी होते.
स्थानिक मीडिया रिपोर्ट्सनुसार मृतांमध्ये 6 महिला आणि 11 पुरुषांचा समावेश आहे. अपघातात जखमी झालेल्या 25 ते 27 जणांमध्ये 8 महिला, 18 पुरुष आणि एका अल्पवयीन मुलीचाही समावेश आहे. सर्व जखमींना रुग्णालयात दाखल करण्यात आले असून, त्यांची प्रकृती चिंताजनक असल्याचे सांगण्यात येत आहे.
पृथ्वी महामार्गावरील बेनीघाट रोरांग येथील भैसेपाटी परिसरात बसचे नियंत्रण सुटल्याने बस 300 मीटर उतारावरून त्रिशूली नदीत पडल्याने हा अपघात झाला. बसचे मोठे नुकसान झाले. पोलिसांनी अपघाताच्या कारणाचा तपास सुरू केला आहे आणि प्राथमिक अहवालानुसार ड्रायव्हरचे नियंत्रण सुटले किंवा रस्त्याची खराब स्थिती कारणीभूत आहे. बसमध्ये क्षमतेपेक्षा जास्त प्रवासी असल्याचीही चौकशी करण्यात येत आहे.
रात्रीच्या वेळी झालेल्या अपघातामुळे मदतकार्याचे मोठे आव्हान होते. नेपाळी लष्कर, सशस्त्र पोलीस दल आणि स्थानिक लोक एकत्र येऊन बचावकार्य करत आहेत. अंधार आणि नदीचा प्रवाह यामुळे बचावकार्यात अडचणी येत होत्या.
Comments are closed.