मतदार यादीत तुमचं नाव आहे की नाही हे कसं शोधायचं? चेक करा एका क्लिकवरती

Maharashtra Mahanagarpalika Elections 2026 : राज्यातील २९ महानगरपालिका निवडणुकांचं (Vidhan Sabha Elections 2024) बिगुल वाजलं आहे. उद्या (१५ जानेवारी) मतदान पार पडणार आहेत. तर १६ जानेवारीला निकाल लागणार आहे. निवडणुकांच्या वेळी मतदार हा अतिशय महत्त्वाचा घटक असतो. मतदारांनी दिलेल्या मतांवर नेते निवडून येतात. निवडणुका जाहीर झाल्या की मतदार यादी देखील जाहीर होते आणि ही मतदार यादी दरवेळी बदलत असते. काही वेळा अचानक बऱ्याच जणांची नावं मतदार यादीतून गायब होतात आणि हे बघून त्या मतदारांचा हिरमोड होतो. तर काही मतदारांची नावे वेगवेगळ्या प्रभागात जातात, त्यामुळे आताच आपण आपलं नाव मतदार यादीत आहे का? हे घरबसल्या सोप्या पद्धतीने तपासून पाहूया.

मतदार यादीमध्ये स्वत:चं नाव का तपासावं?

आता तुम्हाला वाटेल की मागच्या वेळी तर मतदार यादीत आमचं नाव होतं, मग आता पुन्हा चेक करण्याची काय गरज? तर तुमच्या माहितीसाठी-मतदार याद्या या दरवेळी अपडेट होत असतात, दरवेळी यादीत काही बदल होत असतात. काही वेळा मतदार यादीतील तुमचं नाव चुकू शकतं किंवा तुमच्या पत्त्यात काही बदल झालेला असू शकतो किंवा तुमचं दरवेळी त्याच ठिकाणी येणारं नतदा

काही वेळा चुकीने तुमचं नाव वगळलं जाऊ शकतं, त्यामुळे या सर्वाची खबरदारी म्हणून तुम्ही मतदार यादीत तुमचं नाव चेक केलं पाहिजे, अन्यथा ऐन वेळी तुम्हाला मतदान करता येणार नाही. मतदार यादीतील तुमच्या तपशीलात काही दुरुस्ती असल्यास तुम्ही त्या निवडणुकाच्या 10 दिवस आधीपर्यंत बदलून घेऊ शकता.

मतदार यादीत तुमचं नाव कसं शोधाल?

1. तुम्ही ऑनलाईन पद्धतीने मतदार यादीत तुमचं नाव शोधू शकता. त्यासाठी सर्वप्रथम भारतीय निवडणूक आयोगाच्या या लिंकवर क्लिक करा – https://electoralsearch.eci.gov.in/

2. आता वेबसाईटच्या वरच्या बाजूला तुम्हाला 3 पर्याय दिसतील. ‘Search by Details’, ‘Search by EPIC’,
‘Search by State’ आणि Captcha Code  येतो हे पर्याय भरून घ्या आणि सर्चवरती क्लिक करा.

3. आवश्यक माहिती (Basic Information) आणि कॅप्चा कोड सबमिट करा, यानंतर ‘Search’ वर क्लिक करा.

4. यानंतर आता खाली मतदार यादीतील तुमचं नाव, EPIC Number आणि सर्व माहिती दिसेल.

5. जर सर्च केल्यानंतरही तुम्हाला तुमचं नाव दिसत नसेल तर तुम्ही भरलेले तपशील एकदा तपासून पाहावे किंवा तीनपैकी इतर दोन पर्यायाचा वापर करावा. तरीही नाव न दिसल्यास राज्य निवडणूक कार्यालयाशी संपर्क साधा.

SMS द्वारे मतदार यादीतील नाव तपासा

एसएमएसद्वारे मतदार यादीतील नाव तपासण्यासाठी सर्वात प्रथम मेसेज टाईप करताना स्पेस दाबा. त्यानंतर तुमचा मतदार ओळखपत्र क्रमांक टाईप करा. हा एसएमएस 9211728082 किंवा 1950 वर पाठवा. याचं उत्तर तुम्हाला एसएमएसमध्ये मिळेल. तसेच एसएमएसमध्ये भाग क्रमांक, मतदान केंद्र क्रमांक आणि नाव पाठवलं जाईल. तुमचे नाव मतदार यादीत नसल्यास, ‘नो रेकॉर्ड फाऊंड’ असा मेसेज येईल.

तुमचे नाव यादीत शोधण्यासाठी खालील सोप्या स्टेप्स फॉलो करा:

नाव शोधण्याची सोपी प्रक्रिया:
१. वेबसाईटला भेट द्या: सर्वात आधी निवडणूक आयोगाच्या अधिकृत संकेतस्थळाला voters.eci.gov.in भेट द्या.

२. पर्याय निवडा: होमपेजवर दिसणाऱ्या ‘Search Your Name in Voter List’ या पर्यायावर क्लिक करा.

३. माहिती भरण्याचे प्रकार: तुमच्यासमोर एक नवीन पेज उघडेल. तिथे नाव शोधण्यासाठी तीन पर्याय मिळतील:

EPIC (ओळखपत्र) नंबरद्वारे

वैयक्तिक माहितीद्वारे (Search by Details)

मोबाईल नंबरद्वारे

४. तपशील भरा: आपण ‘Search by Details’ हा पर्याय निवडल्यास, तिथे तुमचे राज्य, भाषा, स्वतःचे पूर्ण नाव, वडिलांचे नाव, जन्म तारीख, वय, लिंग, जिल्हा आणि तुमचा विधानसभा मतदारसंघ ही माहिती अचूक भरा.

५. कॅप्चा कोड: सर्व माहिती भरल्यानंतर खाली दिलेला कॅप्चा कोड (Captcha) टाईप करा आणि ‘Search’ वर क्लिक करा.

६. माहिती तपासा: जर तुमचे नाव यादीत असेल, तर खाली तुमची माहिती दिसेल. त्यानंतर ‘View Details’ वर क्लिक करा.

७. मतदान केंद्राची माहिती: येथे तुम्हाला तुमचे नाव, मतदान केंद्र (Polling Station), भाग क्रमांक आणि अनुक्रमांक अशी सर्व महत्त्वाची माहिती पाहायला मिळेल.

८. स्लिप डाऊनलोड करा: सर्वात शेवटी ‘Print Voter Information’ या बटनावर क्लिक करून तुम्ही तुमच्या मतदान माहितीची पीडीएफ (PDF) डाऊनलोड करू शकता. ही प्रिंट तुम्हाला मतदानाच्या दिवशी ओळख म्हणून सोबत ठेवता येईल.

आणखी वाचा