मला देवाला भेटायचंय; नवरा कामावर जाताच बायकोने पाचव्या मजल्यावरून मारली उडी, शेजाऱ्यांची माहिती
हैदराबाद बातम्या: हैदराबादच्या हिमायतनगर भागात एक धक्कादायक घटना घडली आहे. मला देवाला भेटायचं आहे, मी बलिदान देत आहे, अशा आशयाची चिठ्ठी लिहित एका महिलेने आपली जीवनयात्रा संपवल्याचा प्रकार उघडकीस आला आहे. पूजा जैन असं या महिलेचे नाव आहे. पूजा जैन हिने इमारतीच्या पाचव्या मजल्यावरुन उडी मारत आपलं आयुष्य संपवलं. या घटनेने संपूर्ण परिसरात मोठी खळबळ उडाली आहे.
याबाबत सविस्तर माहिती अशी की, हैदराबादच्या हिमायतनगर भागातील 43 वर्षीय पूजा जैन या महिलेने इमारतीच्या पाचव्या मजल्यावरून उडी मारून टोकाचे पाऊल उचलले. ही घटना तिचा पती अरुण कुमार जैन त्याच्या ऑफिसला गेला असताना घडली.
पोलिसांना आढळली सुसाईड नोट
गेल्या काही दिवसांपासून पूजा जैन यांचा कल धार्मिक आणि आध्यात्मिक क्रियाकलापांकडे अधिक झुकलेला होता. त्यातूनच त्यांनी हे टोकाचे पाऊल उचलल्याची माहिती समोर आली आहे. याबाबतची माहिती मिळताच पोलिसांनी घटनास्थळी धाव घेतली. पोलीस घटनास्थळी पोहोचले तेव्हा त्यांना एक सुसाईड नोट आढळून आली आहे.
देवाला भेटण्यासाठी स्वतःचे बलिदान देतेय
या सुसाईड नोटमध्ये पूजाने लिहिले होते की, ती देवाला भेटण्यासाठी स्वतःचे बलिदान देत आहे. तिने पूर्ण श्रद्धेने आणि भक्तीने हे पाऊल उचलले आहे. जेणेकरून ती परमेश्वराच्या जवळ जाऊ शकेल, असे देखील चिठ्ठीत नमूद करण्यात आले आहे. पोलिसांनी पूजा जैनचा मृतदेह ताब्यात घेतला आहे. तो पोस्टमॉर्टमसाठी पाठवण्यात आला आहे. या प्रकरणी पोलीस ठाण्यात नोंद करण्यात आली असून पोलिसांकडून पुढील तपास सुरु आहे. दरम्यान, सध्या कोणताही कट किंवा मानसिक आजार असल्याचा संशय पोलिसांना नाही. परंतु, पोलीस प्रत्येक बाजूने या प्रकरणाचा तपास करत आहेत.
पूजाला ध्यान, उपासना आणि धार्मिक ग्रंथांचं विशेष आकर्षण
जैन यांच्या शेजारी वास्तव्यास असणाऱ्या लोकांनी सांगितले आहे की, अलीकडच्या काळात पूजाला ध्यान, उपासना आणि धार्मिक ग्रंथांचं विशेष आकर्षण वाटू लागले होते. ती अनेकदा सांगायची की, तिला आता सांसारिक जीवनातून मुक्तता हवी आहे आणि देवाच्या चरणी शरण जाऊन आश्रय घ्यायचा आहे, असे त्यांनी म्हटले आहे.
https://www.youtube.com/watch?v=m0md6ukm0cq
इतर महत्त्वाच्या बातम्या
आणखी वाचा
Comments are closed.