टी-20 वर्ल्ड कप संपताच क्रिकेटमध्ये भूकंप! मॅच फिक्सिंगच्या आरोपांनी खळबळ; 3 खेळाडूंवर ICCची थे

मॅच फिक्सिंगसाठी जेव्हॉन सेअरल्स आणि इतर तीन जणांवर निलंबनाची कारवाई : टी-20 वर्ल्डकप 2026 संपताच क्रिकेटमध्ये मोठा भूकंप झाला आहे. वेस्टइंडीज क्रिकेटमध्ये मॅच फिक्सिंगचे एक मोठे प्रकरण समोर आले आहे, ज्याची जोरदार चर्चा सुरू आहे. आंतरराष्ट्रीय क्रिकेट परिषदने (ICC) बार्बाडोस येथे आयोजित Bim10 लीग 2023/24 दरम्यान झालेल्या कथित मॅच फिक्सिंग प्रकरणात वेस्ट इंडिजचा खेळाडू जीवोर्न सील्ससह तिघांना निलंबित केले आहे. क्रिकेटसारख्या जागतिक खेळाची प्रतिमा खराब करण्याचा प्रयत्न पुन्हा एकदा उधळून लावण्यात आयसीसीला यश आले आहे.

मॅच फिक्सिंग अन् पुराव्यांशी छेडछाड केल्याचा आरोप…

आयसीसीने वेस्टइंडीजचा खेळाडू जीवोर्न सील्स (Jeavorne Seales) टीम अधिकारी ट्रेव्हॉन ग्रिफिथ आणि टायटन्स संघाचे मालक चित्रंजन राठोड यांच्यावर मॅच फिक्सिंगचे गंभीर आरोप ठेवले आहेत. Bim10 स्पर्धेतील सामन्यांचे निकाल तसेच खेळातील घडामोडींवर गैरमार्गाने प्रभाव टाकण्याचा प्रयत्न केल्याचा त्यांच्यावर आरोप आहे. याशिवाय, इतर खेळाडूंना भ्रष्टाचारासाठी प्रवृत्त करणे आणि अँटी-करप्शन अधिकाऱ्यांच्या तपासात सहकार्य न करणे असेही आरोप त्यांच्यावर ठेवण्यात आले आहेत.

कडक कारवाई

बार्बाडोस येथे झालेल्या Bim10 स्पर्धेत टायटन्स संघाचे अधिकारी असलेल्या ट्रेव्हॉन ग्रिफिथ यांच्यावर क्रिकेट वेस्ट इंडिज (CWI) कोडसोबतच ICC च्या आंतरराष्ट्रीय अँटी-करप्शन कोडचे उल्लंघन केल्याचा आरोप आहे. तपासाशी संबंधित महत्त्वाची माहिती लपवण्याचा किंवा पुराव्यांशी छेडछाड करण्याचा प्रयत्न केल्याचा आरोप त्यांच्यावर करण्यात आला आहे. तसेच जीवोर्न सील्स आणि ग्रिफिथ या दोघांनीही त्यांना देण्यात आलेल्या मॅच फिक्सिंगच्या ऑफरची माहिती अधिकाऱ्यांना न दिल्याचेही समोर आले आहे.

तात्काळ निलंबन; 14 दिवसांत उत्तर देण्याचे आदेश….

आयसीसीने कठोर भूमिका घेत जीवोर्न सील्स, ट्रेव्हॉन ग्रिफिथ आणि चित्रंजन राठोड यांना तात्काळ प्रभावाने क्रिकेटशी संबंधित सर्व प्रकारच्या उपक्रमांमधून निलंबित केले आहे. 11 मार्च 2026 पासून पुढील 14 दिवसांच्या आत या तिघांना आरोपांवर आपले स्पष्टीकरण सादर करण्याचे निर्देश देण्यात आले आहेत. ही कारवाई ICC च्या व्यापक तपासाचा भाग असून, याच तपासात जानेवारी महिन्यात अमेरिकेचा खेळाडू ॲरॉन जोन्स याच्यावरही कारवाई करण्यात आली होती.

बार्बाडोस येथे 2023-24 Bim10 स्पर्धेशी संबंधित भ्रष्टाचारविरोधी संहितेचा भंग केल्याप्रकरणी फास्ट-बॉलिंग ऑलराउंडर जाव्हॉन सेअरल्स, टायटन्स संघाचे मालक चितरंजन राठोड आणि संघ अधिकारी ट्रेव्हॉन ग्रिफिथ यांना सर्व क्रिकेटमधून तात्पुरते निलंबित करण्यात आले आहे.

— राजा (@_raja_kumar) 13 मार्च 2026

हे ही वाचा –

पाकिस्तानच्या खेळाडूला संघात घेतल्याने सनरायझर्सविरोधात संताप; आता काव्य मारनच्या वडिलांचा CSK वर खटला, धोनीच्या टीमविरोधात काय केलं?

आणखी वाचा