आयसीसी फायनलमध्ये न्यूझीलंडकडून भारताला दोनदा दणका, पाहा हेड-टू-हेड रेकॉर्ड!

चॅम्पियन्स ट्रॉफी 2025 प्रवास अंतिम टप्प्यात पोहोचला आहे. (IND vs NZ) भारत – न्यूझीलंड यांच्यातील अंतिम सामना 9 मार्च रोजी दुबईच्या मैदानावर खेळवला जाईल. भारतीय संघ चालू स्पर्धेत अजूनही अपराजित आहे. संघाने एकही सामना गमावलेला नाही. तर, न्यूझीलंडने फक्त एक सामना गमावला. तो सामनाही भारताविरुद्ध हरला. अशा परिस्थितीत अंतिम सामन्यात दोन्ही संघांमध्ये कठीण स्पर्धा पाहायला मिळू शकते. चॅम्पियन्स ट्रॉफीमध्ये दोन्ही संघांमधील रेकॉर्ड कसा आहे ते जाणून घेऊया. (Champions Trophy 2025 Final)

भारतीय संघ आतापर्यंत दोनदा न्यूझीलंडविरुद्ध आयसीसी फायनलमध्ये पराभूत झाला आहे. दोन्ही संघांमधील पहिला आयसीसी फायनल 2000 मध्ये खेळला गेला. तेव्हा हा सामना 2000 च्या चॅम्पियन्स ट्रॉफीचा शेवटचा सामना होता, ज्यामध्ये सौरव गांगुलीने भारतासाठी शतक झळकावले होते. पण न्यूझीलंडकडून ख्रिस केर्न्सने शानदार खेळी केली आणि गांगुलीचे शतक वाया घालवले. त्यानंतर किवी संघाने अंतिम सामना चार विकेट्सने जिंकला. (IND vs NZ in ICC Tournament Final)

यानंतर, आयसीसी वर्ल्ड टेस्ट चॅम्पियनशिप 2021चा अंतिम सामना भारत आणि न्यूझीलंड यांच्यात खेळला गेला, ज्यामध्ये न्यूझीलंडने 8 विकेट्सने विजय मिळवला. या सामन्यात न्यूझीलंडसाठी काइल जेमीसन सर्वात मोठा हिरो ठरला. त्याने सामन्यात एकूण 7 विकेट्स घेतल्या आणि भारतीय फलंदाजीचा कणा मोडला.

भारत आणि न्यूझीलंड दोन्ही संघांकडे स्टार खेळाडूंची फौज आहे, जे एकदिवसीय क्रिकेटमध्ये महान आहेत. सध्याच्या चॅम्पियन्स ट्रॉफीसाठी भारतीय संघाची कमान रोहित शर्माकडे आहे. न्यूझीलंडचा कर्णधार मिचेल सँटनर आहे. चॅम्पियन्स ट्रॉफीमध्ये आतापर्यंत भारत आणि न्यूझीलंड यांच्यात फक्त दोन सामने झाले आहेत, ज्यामध्ये भारताने एक जिंकला आहे आणि दुसऱ्या सामन्यात न्यूझीलंड संघ सामना जिंकण्यात यशस्वी झाला आहे.

भारताने आतापर्यंत दोनदा चॅम्पियन्स ट्रॉफी जिंकली आहे. पहिल्यांदा 2002 मध्ये सौरव गांगुली (संयुक्त विजेता) च्या नेतृत्वाखाली आणि दुसऱ्यांदा 2013 मध्ये महेंद्रसिंग धोनीच्या नेतृत्वाखाली. तर न्यूझीलंड संघाला आतापर्यंत फक्त एकदाच चॅम्पियन्स ट्रॉफीचे विजेतेपद जिंकता आले आहे. स्टीफन फ्लेमिंगच्या नेतृत्वाखाली किवी संघाने 200 मध्ये चॅम्पियन्स ट्रॉफी जिंकली. (IND vs NZ head to head in Champions trophy)

हेही वाचा-

मिलरची वादळी खेळी! सेहवागचा विक्रम मोडत चॅम्पियन्स ट्रॉफीमध्ये रचला नवा इतिहास
चॅम्पियन्स ट्रॉफीच्या इतिहासात पहिल्यांदाच ‘या’ तीन फलंदाजांनी केला ‘असा’ चमत्कार
कोहलीने स्टीव्ह स्मिथला दिली भावनिक मिठी, विराटला निवृत्तीबद्दल आधीच माहिती होती का? VIDEO