महिला विश्वचषक 2025: श्रीलंका-न्यूझीलंड सामना रद्द; भारत टॉप-4 मध्ये कायम

आयसीसी महिला क्रिकेट विश्वचषक 2025 चा न्यूझीलंड आणि श्रीलंका यांच्यातील 15 वा सामना मंगळवारी, 14 ऑक्टोबर रोजी रात्री पावसामुळे रद्द झाला. सामना रद्द झाल्यामुळे दोन्ही संघांचे प्रत्येकी 1 गुण आहेत. न्यूझीलंड 4 सामन्यांतून 3 गुणांसह पाचव्या स्थानावर आहे, तर श्रीलंका स्पर्धेतील त्यांचा दुसरा सामना रद्द झाल्यामुळे सातव्या स्थानावर आहे. महिला विश्वचषकात श्रीलंकेने आतापर्यंत चार सामने खेळले आहेत, ज्यामध्ये दोन पराभव झाले आहेत आणि दोन रद्द झाले आहेत. त्यांचे 4 गुण आहेत. श्रीलंका विरुद्ध न्यूझीलंड सामना रद्द झाल्यामुळे भारताला सर्वाधिक फायदा झाला आहे आणि टीम इंडिया टॉप 4 मध्ये कायम आहे.

हरमनप्रीत कौरच्या नेतृत्वाखालील टीम इंडियाने आपली विजयी मालिका गमावली आहे. श्रीलंका आणि पाकिस्तानविरुद्ध सलग दोन सामने जिंकल्यानंतर त्यांना दक्षिण आफ्रिका आणि ऑस्ट्रेलियाविरुद्ध पराभव पत्करावा लागला. 4 सामन्यांतून तेवढेच गुणांसह भारत चौथ्या स्थानावर आहे. मंगळवारी न्यूझीलंडने श्रीलंकेला मोठ्या फरकाने हरवण्यात यश मिळवले असते तर भारत टॉप 4 मधून बाहेर पडू शकला असता. पण SLW विरुद्ध NZW सामना रद्द झाल्यामुळे भारताचा सेमीफायनलमध्ये पोहोचण्याचा मार्ग थोडा सोपा झाला आहे.

ICC महिला विश्वचषक 2025 पॉइंट्स टेबल –

जर आयसीसी महिला क्रिकेट विश्वचषक पॉइंट टेबलमधील टॉप तीन संघांनी – ऑस्ट्रेलिया, इंग्लंड आणि दक्षिण आफ्रिका चांगली कामगिरी करत राहिल्यास आणि सेमीफायनलसाठी पात्र ठरले तर भारताला चौथ्या स्थानासाठी न्यूझीलंडशी थेट स्पर्धा करावी लागेल.

टीम इंडियाला आता स्पर्धेत आणखी तीन सामने खेळायचे आहेत. जर भारताने तिन्ही सामने जिंकले तर ते जास्तीत जास्त 10 गुणांपर्यंत पोहोचू शकतात. दुसरीकडे, न्यूझीलंडला जास्तीत जास्त 9 गुणांपर्यंत पोहोचण्याची संधी आहे. भारत आणि न्यूझीलंड आगामी स्पर्धेत एक सामना खेळणार आहेत, जो दोन्ही संघांसाठी निर्णायक ठरू शकतो. भारताच्या बाजूने एक घटक म्हणजे त्यांचा नेट रन रेट न्यूझीलंडपेक्षा लक्षणीयरीत्या चांगला आहे.