IND vs AUS: आशिया कप जिंकवून देणाऱ्या या 5 खेळाडूंना वनडे मालिकेत संधी नाही! नेमकं कारण जाणून घ्या…

IND vs AUS ODI Squad: भारतीय संघ लवकरच ऑस्ट्रेलिया दौऱ्यावर जाणार आहे. दोन्ही संघ अनुक्रमे तीन सामन्यांची ODI आणि T20I मालिका खेळतील. या दौऱ्याची सुरुवात 19 ऑक्टोबर रोजी वनडे मालिकेने होईल. मीडिया रिपोर्ट्नुसा, ODI मालिकेसाठी भारतीय संघाची घोषणा आज (4 ऑक्टोबर 2025) केली जाईल. नुकत्याच संपलेल्या आशिया कपमध्ये चांगली कामगिरी करणाऱ्या अनेक खेळाडूंना आगामी मालिकेत संधी मिळण्याची अपेक्षा आहे, तर काहींना दुर्लक्षित केले जाऊ शकते. यापैकी काही नावे अशी आहेत:

जसप्रीत बुमराह– आशिया कपमध्ये भारताच्या विजयात महत्त्वाची भूमिका बजावणारा अनुभवी वेगवान गोलंदाज जसप्रीत बुमराहला ODI मालिकेतून विश्रांती दिली जाऊ शकते. तो आशिया कपनंतर वेस्ट इंडिजविरुद्ध सुरू असलेल्या कसोटी मालिकेतही सहभागी होत आहे. यावरून असे सूचित होते की भारतीय संघ त्याच्या कामाचा ताण पाहता त्याला आगामी ODI मालिकेतून विश्रांती देऊ शकतो.

टिळक वर्मा – आशिया कपच्या अंतिम सामन्यात शानदार अर्धशतक झळकावून टीम इंडियाला विजय मिळवून देणारा युवा फलंदाज तिलक वर्मा याला एकदिवसीय मालिकेत संधी मिळण्याची शक्यता कमी आहे. रोहित शर्मा, विराट कोहली, केएल राहुल आणि श्रेयस अय्यर सारखे अनुभवी खेळाडू या फॉरमॅटमध्ये परतण्याच्या तयारीत असल्याने, त्याला एकदिवसीय मालिकेसाठी भारतीय संघात संधी मिळण्याची शक्यता कमी आहे.

शुबमन गिल– शुभमन गिललाही आगामी मालिकेत संधी मिळण्याची शक्यता कमी आहे, कारण यशस्वी जयस्वाल एकदिवसीय मालिकेत खेळण्याची शक्यता जास्त आहे. जयस्वालचा संघात समावेश केल्याने भारतीय संघाला डाव्या-उजव्या सलामीवीरांची जोडीही मिळेल.

सूर्यकुमार यादव- टी-२० कर्णधार सूर्यकुमार यादवची बॅट सध्या संघर्ष करत आहे. शिवाय, त्याने एकदिवसीय स्वरूपात विशेष चांगली कामगिरी केलेली नाही. म्हणूनच निवडकर्ते आगामी एकदिवसीय मालिकेसाठी त्याचा विचार करण्याची शक्यता कमी आहे.

हार्दिक पंड्या- निवडकर्ते हार्दिक पंड्याला एकदिवसीय मालिकेतून विश्रांती देखील देऊ शकतात. कारण तो अलीकडेच आशिया कपमध्ये खेळून परतला. शिवाय, तो दुखापतीतून बरा झालेला नाही. वनडे मालिके सोबत टी20मध्येही त्याचा सहभाग फिक्स नाही.