भारत विरुद्ध इंग्लंड तिसऱ्या वनडेची वेळ बदलली; लॉर्ड्सवरील सामना कधी सुरू होणार?

भारत विरुद्ध इंग्लंड IND vs ENG यांच्यातील तीन सामन्यांच्या एकदिवसीय ODI मालिकेतील तिसरा आणि निर्णायक सामना आज (19 जुलै, रविवारी) लॉर्ड्सवर LORD’S CRICKET GROUND खेळला जाणार आहे. बर्मिंगहॅममधील पहिला सामना भारताने सहा गडी राखून जिंकला होता, तर कार्डिफमधील दुसरा सामना इंग्लंडने चार गडी राखून जिंकत मालिकेत 1-1 अशी बरोबरी साधली. त्यामुळे, ‘होम ऑफ क्रिकेट’ HOME OF CRICKET म्हणून ओळखल्या जाणाऱ्या लॉर्ड्सवरच या मालिकेचा विजेता ठरणार आहे.

दुसऱ्या सामन्यातील पराभवानंतरही, भारतासाठी VIRAT KOHLI विराट कोहलीचे फॉर्ममध्ये परतणे ही एक अत्यंत सकारात्मक बाब ठरली आहे. कार्डिफमध्ये त्याने आत्मविश्वासाने फलंदाजी करत 65 धावांची महत्त्वपूर्ण खेळी केली. मात्र, रोहित शर्माचा ROHIT SHARMA फॉर्म भारतासाठी चिंतेचा विषय बनला आहे. या वर्षातील आठ एकदिवसीय डावांमध्ये त्याला केवळ एकच अर्धशतक झळकावता आले आहे. या निर्णायक सामन्यात संघ त्याच्याकडून एका मोठ्या खेळीची अपेक्षा करत आहे.

आजारपणामुळे दुसरा एकदिवसीय सामना न खेळू शकलेला यष्टिरक्षक-फलंदाज KL RAHUL केएल राहुल या निर्णायक सामन्यासाठी उपलब्ध होण्याची शक्यता आहे. 2025 च्या सुरुवातीपासून राहुल हा भारताचा सर्वात भरवशाचा एकदिवसीय फलंदाज ठरला असून त्याची सरासरी 50 हून अधिक आहे. दरम्यान, वॉशिंग्टन सुंदरच्या अनुपस्थितीमुळे भारताला आपल्या प्लेइंग इलेव्हनच्या समतोलाचा फेरविचार करावा लागू शकतो.

लॉर्ड्सने भारतासाठी अनेक अविस्मरणीय क्षण अनुभवले असले, तरी 2004 पासून भारतीय संघाने तिथे एकही एकदिवसीय सामना जिंकलेला नाही. हा दुष्काळ संपवून मालिका जिंकण्याची सुवर्णसंधी भारतीय संघाकडे आहे.

दुसरीकडे, कार्डिफमध्ये 99 धावांची नाबाद खेळी करत जो रूटने पुन्हा एकदा आपली गुणवत्ता सिद्ध केली. त्याच्या कामगिरीमुळे इंग्लंडचा आत्मविश्वास उंचावला असून, त्याने सलग पाच एकदिवसीय सामन्यांमध्ये अर्धशतके झळकावली आहेत. भारतीय गोलंदाजांसमोर रूटला रोखण्याचे मोठे आव्हान असेल. कारण दुसऱ्या सामन्यात जसप्रीत बुमराहविरुद्ध त्याने अत्यंत संयमाने फलंदाजी केली होती.

लॉर्ड्सवरील तिसरा आणि निर्णायक एकदिवसीय सामना MATCH TIME भारतीय वेळेनुसार दुपारी 3.30 वाजता सुरू होईल.

सामन्याचे थेट प्रक्षेपण सोनी स्पोर्ट्स नेटवर्कच्या विविध टीव्ही चॅनेलवर उपलब्ध असेल. याव्यतिरिक्त, मोबाईल आणि ऑनलाइन प्रेक्षकांसाठी हा सामना जिओ-हॉटस्टार (JioHotstar) आणि वेबसाइटवर थेट पाहता येईल.