आयसीसी चॅम्पियन्स ट्रॉफी 2025 च्या 5व्या सामन्यात, पाकिस्तानचा कर्णधार मोहम्मद रिझवानने भारताविरुद्ध नाणेफेक जिंकून प्रथम फलंदाजी करण्याचा निर्णय घेतला. बाबर आझम आणि इमाम-उल-हकची सलामी जोडी अपयशी ठरल्यानंतर, कर्णधार मोहम्मद रिझवान आणि सौद शकील यांनी शानदार फलंदाजी केली. तिसऱ्या विकेटसाठी 104 धावांची भागीदारी केली. रिझवानला त्याचे अर्धशतक पूर्ण करण्यासाठी 4 धावा कमी पडल्या. तर सौद शकीलने 76 चेंडूत 62 धावा केल्या. रिझवान आणि शकील बाद झाल्यानंतर पाकिस्तान संघ डगमगला आणि 50 षटकांपूर्वीच सर्वबाद झाला. पाकिस्तानने 241 धावा केल्या. भारताकडून कुलदीप यादवने सर्वाधिक 3 बळी घेतले तर हार्दिक पंड्याने 2 फलंदाजांना बाद केले.
पाकिस्तानच्या 241 धावांच्या लक्ष्याचा पाठलाग करताना भारतीय डावाची सुरुवातही फारशी खास नव्हती. 5 व्या षटकाच्या शेवटच्या चेंडूवर शाहीन शाह आफ्रिदीच्या शानदार यॉर्करने रोहित शर्माला क्लीन बोल्ड केले. यानंतर, शुभमन गिलने विराट कोहलीसह डावाची सूत्रे हाती घेतली. 10 षटकांत संघाचा स्कोअर 64 धावांवर नेला. यानंतर, 11 व्या षटकात हरिस रौफ गोलंदाजी करायला आला आणि त्याने षटकाच्या चौथ्या चेंडूवर शुभमन गिलला जवळजवळ बाद केले, परंतु खुशदिल शाहच्या चुकीमुळे सर्व मेहनत वाया गेली. गिलने हॅरिसचा चेंडू ओढण्याचा प्रयत्न केला. चेंडू मिडविकेटवर उभ्या असलेल्या खुसदिलच्या हातात गेला पण खुसदिल तयार नव्हता आणि त्याचा झेल चुकला. हे दृश्य पाहून हरिस रौफ आणि कर्णधार रिझवान खूप निराश दिसत होते.
झेल सोडल्यानंतर, गेल्या 2 एकदिवसीय सामन्यांप्रमाणे आजही मोठी खेळी खेळणे गिलच्या नशिबात लिहिलेले होते असे वाटत होते, पण तसे झाले नाही. 18 व्या षटकात फिरकी गोलंदाज अबरार अहमदने गिलला बाद केले. अबरारने गिलला लेग स्टंपवर चांगली लांबीची चेंडू टाकला जो वाइड गेला. गिलला टर्नने फसवले आणि तो क्लीन बोल्ड झाला. गिलला बाद केल्यानंतर अबरार अहमदने आक्रमकपणे विकेट साजरी केली. अबरारने गिलला डोळ्यांनी पॅव्हेलियनकडे जाण्याचा इशारा केला. या घटनेचा व्हिडिओ आता सोशल मीडियावर व्हायरल होत आहे. अबरारच्या या कृत्यावर भारतीय चाहते सोशल मीडियावर संताप व्यक्त करत आहेत.
शुभमन गिलने अब्रार अहमद यांनी 46 (52) वर बाद केले#चॅम्पियन्सस्ट्रॉफी #Indvspak pic.twitter.com/upqqy8xrte
– डी डीकोड केलेले वास्तव (@ddecodedreality) 23 फेब्रुवारी, 2025
हेही वाचा –
IND vs PAK: विराट कोहलीचे शानदार शतक..! भारताचा पाकिस्तानवर धमाकेदार विजय
शाहीनचा रोहितला क्लीन बोल्ड; पत्नी रितिकाच्या चेहऱ्यावरचा उडाला रंग
IND vs PAK: रोहित शर्माने रचला इतिहास..! महान फलंदाजाला टाकले मागे
Comments are closed.