हस्तांदोलनानंतर आता नवीन ड्रामा; पाकिस्तान क्रिकेट बोर्डाने पुन्हा ICC कडे केली तक्रार, नेमकं प

पीसीबी फाइल फखर झमानवर आयसीसीकडे तक्रार: आशिया चषक 2025 च्या स्पर्धेत सुपर-4 मध्ये भारताकडून पाकिस्तानचा (Ind vs Pak) पराभव झाल्यानंतर, एक नवीन ड्रामा सुरू केला आहे. पाकिस्तान क्रिकेट बोर्डाने (पीसीबी) सुपर फोर सामन्यातील एका कॅचबाबत आयसीसीकडे तक्रार दाखल (PCB File Complaint To ICC) केली आहे.

पाकिस्तान क्रिकेट बोर्डाने फखर झमानच्या (Fakhar Zaman) कॅचबाबत आयसीसीकडे अधिकृत तक्रार दाखल केली आहे. टीव्ही अंपायर रुचिरा पल्लियागुरुगे यांनी चुकीच्या पद्धतीने फखर झमानला बाद घोषित केले. फखर झमान बाद नव्हता, असा दावा पाकिस्तान क्रिकेट बोर्डाकडून करण्यात आला आहे.

नेमकं प्रकरण काय? (Sanju Samson Caught Fakhar Zaman)

हार्दिक पांड्याच्या षटकातील तिसरा चेंडू फखरच्या बॅटच्या कडेला लागला. संजू सॅमसनने झेल घेतला. कॅचबद्दल मैदानावरील पंचांना शंका होती. त्यामुळे त्यांनी निर्णय तिसऱ्या अंपायरकडे पाठवला. पंचांनी दोन किंवा तीन रिप्ले तपासले आणि ठरवले की चेंडू संजू सॅमसनच्या ग्लोव्हजमध्ये आहे. चेंडू जमिनीला स्पर्श केलेला नव्हता. म्हणून, फखर झमानला बाद घोषित करण्यात आले. फखर झमानला त्याला बाद घोषित करण्यात आल्याचा विश्वासच बसत नव्हता. फखर झमान नाराज होऊन पॅव्हेलियनकडे परतला.

ज्याला बॉलच्या मागे बोट दिसत नाही क्रिकेट पाहणे थांबवा.#Indvspak #Pakvind pic.twitter.com/bcfojci258

– अँडी पायक्रॉफ्ट 👽 (@रह_केटू_12) 21 सप्टेंबर, 2025

पाकिस्तानचा कर्णधार सलमान आगा काय म्हणाला? (Salman Agha On Sanju Samson Catch)

भारतविरुद्धच्या सामन्यानंतर पाकिस्तानचा कर्णधार सलमान आगा पत्रकार परिषदेत म्हणाला की, अंपायर चुका करू शकतात. पॉवरप्लेमध्ये फखर झमान ज्या पद्धतीने फलंदाजी करत होता, त्यामुळे आम्ही 190 धावांपर्यंत पोहचू शकतो, असे वाटत होते. मात्र याचवेळी फखर झमान बाद झाला. परंतु फखर झमानचा जो झेल घेतला, त्यावेळी चेंडू जमिनीला स्पर्श करत होता, असं मला वाटतंय. मात्र अंपायरचा निर्णय अंतिम आहे, असं सलमान आगाने सांगितले.

नवीन अँगलही समोर- (New Angle Of Fakhar Zaman Catch)

हार्दिक पांड्याच्या (Hardik Pandya) गोलंदाजीवर फखर झमानचा संजू सॅमसनने (Sanju Samson) झेल घेतला होता. मात्र हा झेल पूर्णपणे संजू सॅमसनने घेतला नव्हता. चेंडू जमीनीला लागून एक टप्पा झेल संजू सॅमसनने पकडल्याचा दावा पाकिस्तानच्या खेळाडूंकडून करण्यात येत आहे. याचदरम्यान संजू सॅमसनच्या झेलचा नवीन अँगल समोर आला आहे. या व्हिडीओमध्ये संजू सॅमसनने योग्य झेल घेतल्याचं दिसून येतंय.

संबंधित बातमी:

Haris Rauf Wife Post Ind vs Pak Asia Cup 2025: आधी हारिस रौफने मैदानात नको नको ते केलं; आता पत्नी मुझनाच्या वादग्रस्त पोस्टने खळबळ, म्हणाली…

Sahibzada Farhan Gun Celebration Ind vs Pak Asia Cup 2025: गोळीबाराची ॲक्शन करत सेलिब्रेशन करणाऱ्या साहिबजादा फरहानची पहिली प्रतिक्रिया; म्हणाला, अचानक…

आणखी वाचा