भारत आणि दक्षिण आफ्रिका यांच्यातील कसोटी मालिकेतील दुसरा सामना गुवाहाटी येथील बरसापारा क्रिकेट स्टेडियमवर खेळला जात आहे. सध्या दुसऱ्या दिवसाचा खेळ सुरू आहे. दक्षिण आफ्रिकेने नाणेफेक जिंकून प्रथम फलंदाजीचा निर्णय घेतला आहे. दुखापतीमुळे भारतीय संघाचा नियमित कर्णधार शुभमन गिल या सामन्यात खेळत नाही. त्याच्या अनुपस्थितीत ऋषभ पंत या सामन्यात टीम इंडियाचे नेतृत्व करत आहे.
या कसोटी सामन्यात, टीम इंडियाचा कर्णधार ऋषभ पंतला षटकांमध्ये जास्त वेळ घेतल्याबद्दल पंचांनी दोनदा इशारा दिला आहे. जर पंतने अशीच आणखी एक चूक केली तर संपूर्ण संघाला त्याच्या चुकीची शिक्षा होईल आणि दक्षिण आफ्रिकेला त्याचा मोठा फायदा होऊ शकतो. जर पंतने पुन्हा ही चूक केली तर भारतीय संघाला दंड होऊ शकतो.
88 व्या षटकाच्या सुरुवातीपूर्वी पंच रिचर्ड केटलबरो यांनी ऋषभ पंतला दुसरा इशारा दिला. जसप्रीत बुमराह आणि कुलदीप यादवच्या षटकांमध्ये पंतने त्याचे क्षेत्ररक्षण सेट करण्यासाठी खूप वेळ घेतला, म्हणूनच त्याला या डावात ही दुसरी चेतावणी देण्यात आली आहे. पंतची पहिली चेतावणी 45 व्या षटकात आली. जर पंत पुन्हा वेळ वाया घालवत आढळला तर भारतीय संघाला 5 धावांचा दंड होऊ शकतो. या 5 धावांच्या दंडाचा फायदा दक्षिण आफ्रिकेला होईल, कारण हे धावा पाहुण्या संघाच्या खात्यात जमा होतील.
सामन्याच्या पहिल्या दिवशी दक्षिण आफ्रिकेने 6 विकेट गमावून 247 धावा केल्या. दक्षिण आफ्रिकेचे टॉप-ऑर्डर फलंदाज एडेन मार्कराम, रायन रिकेल्टन, ट्रिस्टन स्टब्स आणि टेम्बा बावुमा यांनी चांगली सुरुवात केली. सर्व फलंदाजांनी 30 धावांचा टप्पा ओलांडला, परंतु कोणीही अर्धशतक झळकावू शकले नाही. सध्या दक्षिण आफ्रिकेकडून सेनुरन मुथुसामी आणि काइल व्हेरेन फलंदाजी करत आहेत. पहिल्या डावात दक्षिण आफ्रिका किती मोठी धावसंख्या उभारू शकते हे पाहणे मनोरंजक असेल.
Comments are closed.