भारत आणि वेस्ट इंडिज यांच्यातील दोन टेस्ट सामन्यांच्या मालिकेची सुरुवात झाली आहे. (The two-match Test series between India and West Indies has begun). 2 ऑक्टोबरपासून अहमदाबादमधील नरेंद्र मोदी स्टेडियममध्ये पहिला सामना खेळला जात आहे. पहिल्या इनिंगमध्ये वेस्ट इंडिज संघ मोठा स्कोर करण्यास अपयशी ठरला आहे. वेस्ट इंडिजकडून कोणताही खेळाडू पहिल्या दिवशी चांगले प्रदर्शन करू शकला नाही. तर भारतकडून मोहम्मद सिराज, जसप्रीत बुमराह आणि केएल राहुल यांनी उत्कृष्ट कामगिरी केली. पहिला दिवस या खेळाडूंच्या नावावर राहिला आहे.
वेस्ट इंडिजचे फलंदाज पहिल्या दिवशी फ्लॉप ठरले. कोणताही फलंदाज अर्धशतकाच्या जवळ पोहोचू शकला नाही. टीमकडून सर्वाधिक धावा जस्टिन ग्रीव्स याने केल्या. त्याने 48 चेंडूत 32 धावांची पारी खेळली. याशिवाय कर्णधार शाई होपने 36 चेंडूत 26 धावा केल्या. तर रोस्टन चेसने 43 चेंडूत 24 धावा केल्या. वेस्ट इंडिजची पहिली इनिंग 44.1 ऍव्हर्समध्ये फक्त 162 धावांवर संपली.
भारतकडून पहिल्या दिवशी केएल राहुलने शानदार कामगिरी केली. त्यांनी 114 चेंडूत 53 धावांची अप्रतिम नाबाद पारी खेळली. दुसऱ्या दिवशीही ते फलंदाजीस उतरतील. याशिवाय सलामी फलंदाज यशस्वी जयस्वाल विशेष चमक दाखवू शकला नाही. त्याने 54 चेंडूत 36 धावा केल्या. तिसऱ्या क्रमांकावर फलंदाजी साठी आलेला साई सुदर्शनही फ्लॉप ठरला, त्याने 19 चेंडूत 7 धावा केल्या. तरीही कर्णधार शुबमन गिल 42 चेंडूत 18 धावा करून क्रीजवर टिकून आहे. दुसऱ्या दिवशी भारताकडून शुबमन गिल आणि केएल राहुलकडून मोठा डाव खेळण्याची अपेक्षा आहे. पहिल्या दिवशीचा खेळ संपेपर्यंत भारताने 38 ओव्हरमध्ये दोन विकेट गमावून 121 धावा केल्या आहेत. सध्या भारत 41 धावांनी मागे आहे.
भारतकडून मोहम्मद सिराजने सर्वाधिक विकेट घेतले आहेत. त्याने 14 ऍव्हर्स गोलंदाजी करताना 40 धावा दिल्या आणि चार फलंदाजांना बाद केले. तर जसप्रीत बुमराहनेही उत्कृष्ट गोलंदाजी केली. त्याने 14 ओव्हरमध्ये 42 धावा खर्च करून तीन विकेट आपल्या नावावर केल्या. याशिवाय कुलदीप यादवला दोन विकेट आणि वॉशिंग्टन सुंदरला एक विकेट मिळाली.
Comments are closed.