शुक्रवारी झालेल्या तिसऱ्या टी-20 सामन्यात भारतीय महिला क्रिकेट संघाने श्रीलंकेचा आठ विकेट्सने पराभव केला. या विजयासह, हरमनप्रीत कौरच्या नेतृत्वाखालील भारतीय संघाने पाच सामन्यांच्या टी-20 मालिकेत 3-0 अशी विजयी आघाडी घेतली आणि मालिका जिंकली. भारत श्रीलंकेविरुद्ध टी-20 सामन्यांमध्ये वर्चस्व गाजवत आहे. हा त्यांचा सलग चौथा टी-20 मालिका विजय आहे. 2014 मध्ये श्रीलंकेने पहिल्यांदाच टी-20 मालिकेत भारताचा पराभव केला होता, परंतु त्यानंतर भारताने श्रीलंकेला मालिका जिंकण्याची संधी दिलेली नाही.
शुक्रवारी तिरुअनंतपुरममध्ये खेळल्या गेलेल्या तिसऱ्या टी-20 सामन्यात, प्रथम फलंदाजी करणाऱ्या श्रीलंकेला 20 षटकांत 7 गडी गमावून फक्त 112 धावा करता आल्या. भारतासमोर विजयासाठी 113 धावांचे लक्ष्य ठेवण्यात आले होते. सलामीवीर शेफाली वर्माने पुन्हा एकदा शानदार अर्धशतक झळकावले. यामुळे भारतीय संघाने 13.2 षटकांत दोन गडी बाद 115 धावा करून सामना जिंकला. श्रीलंकेविरुद्ध भारताचा हा सलग चौथा टी-20 मालिका विजय आहे. 2022 मध्ये दोन्ही संघ शेवटच्या वेळी भेटले होते तेव्हा श्रीलंकेने पाच सामन्यांच्या टी-२० मालिकेत फक्त एकच सामना जिंकला होता, तर यावेळी भारतीय संघाने सलग तीन सामने जिंकले होते.
या विजयासह, कर्णधार हरमनप्रीत कौरने आणखी एक मोठा विक्रम केला आहे. टी-20 आंतरराष्ट्रीय क्रिकेटमध्ये सर्वाधिक सामने (77 विजय) जिंकणारी ती जगातील पहिली कर्णधार बनली आहे. तिने ऑस्ट्रेलियन दिग्गज मेग लॅनिंगचा विक्रम मागे टाकला आहे.
भारतासाठी आणखी एक प्रभावी विजय. तिन्ही सामने एकतर्फी होते. शेफाली वर्माने पहिल्या षटकात तीन डॉट बॉलने सुरुवात केली पण नंतर मोठे फटके मारले. स्मृती मानधना (1) लवकर बाद झाली आणि जेमिमा रॉड्रिग्ज (9) संघर्ष करत होती, परंतु शेफालीला कोणीही रोखू शकले नाही. तिने चौकार आणि षटकार मारून श्रीलंकेच्या संघावर प्रचंड दबाव आणला. पाहुण्या संघाने तरुण खेळाडूंना संधी दिली, ज्यांच्याकडे शेफालीच्या स्फोटक खेळाचे उत्तर नव्हते. शेफालीने सलग दुसरे अर्धशतक झळकावले.
पॉवरप्लेमध्ये भारताच्या 55 पैकी 50 धावा काढत शेफालीने स्फोटक सुरुवात केली. शेफालीला कर्णधार हरमनप्रीत कौरने चांगली साथ दिली, तिने 18 चेंडूत दोन चौकारांसह नाबाद 21 धावा केल्या. शेफालीने विजयी चौकार मारला. हरमनप्रीत कौरनेही चांगली खेळी केली, पण सामना शेफालीचा होता.
Comments are closed.