भारतीय क्रिकेट नियामक मंडळाने आशिया कप 2025 साठी भारतीय संघाची घोषणा केली आहे. सूर्यकुमार यादवकडे कर्णधारपदाची जबाबदारी सोपवण्यात आली आहे. तर शुबमन गिलला उपकर्णधार बनवण्यात आले आहे. जसप्रीत बुमराह संघात परतला आहे. दरम्यान फक्त एक टी-20 आंतरराष्ट्रीय सामना खेळणारा हर्षित राणा देखील संघाचा भाग बनला आहे. आता कर्णधार सूर्यकुमार यादवने त्याच्यावर मोठे विधान केले आहे.
भारतीय कर्णधार सूर्यकुमार यादवने वेगवान गोलंदाज हर्षित राणाच्या संघात समावेशाचे समर्थन केले. सूर्यकुमार म्हणाला की हर्षित राणाने आयपीएलमध्ये चांगली कामगिरी केली आहे. मला वाटते की तो पुण्यात खेळल्या गेलेल्या सामन्यात कन्कशन रिप्लेसमेंट (डोक्याला दुखापत झालेल्या खेळाडूऐवजी संघात सामील होणारा) म्हणून संघात आला होता. आम्हाला त्याच्या कौशल्यावर विश्वास आहे आणि आम्हाला माहिती आहे की तो चांगली कामगिरी करू शकतो.
2025 च्या आशिया कपसाठी भारतीय संघात जसप्रीत बुमराह वेगवान गोलंदाजीचे नेतृत्व करताना दिसेल. त्याला पाठिंबा देण्यासाठी अर्शदीप सिंगला प्लेइंग इलेव्हनमध्ये संधी मिळू शकते. अशा परिस्थितीत, यूएईच्या संथ खेळपट्ट्यांचा विचार करता, हर्षित राणाला प्लेइंग इलेव्हनमध्ये स्थान मिळवणे खूप कठीण वाटते. हर्षितने आतापर्यंत एका टी20 सामन्यात एकूण तीन विकेट्स घेतल्या आहेत.
आशिया कपनंतर, भारत टी20 विश्वचषकापूर्वी या फॉरमॅटमध्ये आणखी 15 सामने खेळेल. सूर्यकुमार म्हणाला की, गेल्या वर्षीच्या टी20 विश्वचषकानंतर ही पहिली मोठी स्पर्धा आहे. स्वतःची चाचणी घेण्यासाठी ही एक चांगली स्पर्धा आहे. यानंतरही अनेक टी20 सामने होतील. पण येथून प्रवास सुरू होतो.
आशिया कप 2025 साठी भारतीय संघ:
सूर्यकुमार यादव (कर्णधार), शुबमन गिल (उपकर्णधार), अभिषेक शर्मा, तिलक वर्मा, हार्दिक पांड्या, शिवम दुबे, अक्षर पटेल, जितेश शर्मा (विकेटकीपर), जसप्रीत बुमराह, अर्शदीप सिंग, वरुण चक्रवर्ती, कुलदीप यादव, संजू सॅमसन (विकेटकीपर), हर्षित राणा, रिंकू सिंग.
Comments are closed.