सुट्टीनिमित्त अमेरिकेत फिरायला गेलेल्या हैदराबाद येथील कुटुंबाचा कार अपघातात मृत्यू झाल्याचे समोर आलं आहे. मृतांमध्ये आई-वडील आणि दोन मुलांचा समावेश आहे. अमेरिकेतील डलास शहरात ही घटना घडली. भरधाव ट्रकने कारला धडक दिल्याने हा अपघात घडला.
हैदराबाद येथील तेजस्विनी, श्री वेंकट आणि त्यांची दोन निष्पाप मुले सुट्टीनिमित्त अमेरिकेत फिरायला गेले होते. अटलांटातील नातेवाईकांना भेटून डलासला परतत असताना भरधाव ट्रकने त्यांच्या कारला जोरदार धडक दिली. यात त्यांच्या कारला आग लागली आणि चौघांचा जळून मृत्यू झाला.
अपघाताची माहिती मिळताच, स्थानिक प्रशासन आणि अग्निशमन विभागाचे पथक घटनास्थळी दाखल झाले. अग्निशमन दलाने आग आटोक्यात आणली. हिंदुस्थानी दूतावास आणि परराष्ट्र मंत्रालयानेही या घटनेवर दुःख व्यक्त केले आहे. मृतदेह हिंदुस्थानात आणण्याची प्रक्रिया लवकर पूर्ण व्हावी यासाठी ते अमेरिकन अधिकाऱ्यांच्या संपर्कात असल्याचे म्हटले आहे.
Comments are closed.