148 वर्षांत कोणी करू शकले नाही, ते रोहितने करून दाखवले!

भारतीय संघाने न्यूझीलंडला हरवून चॅम्पियन्स ट्रॉफी 2025चे विजेतेपद जिंकले. अंतिम सामन्यात न्यूझीलंड संघाने भारताला जिंकण्यासाठी 252 धावांचे लक्ष्य दिले, जे टीम इंडियाने सहज साध्य केले. संपूर्ण स्पर्धेत भारताकडून वरुण चक्रवर्ती, विराट कोहली, शुबमन गिल, रोहित शर्मा आणि मोहम्मद शमी यांनी चांगली कामगिरी केली. या खेळाडूंमुळेच टीम इंडियाला जेतेपद जिंकण्यात यश आले. रोहितने अंतिम सामन्यात 76 धावांची शानदार खेळी खेळली. याच कारणास्तव त्याला सामनावीराचा पुरस्कार देण्यात आला. विजेतेपद जिंकल्यानंतर भारतीय संघाने एक खास विक्रम रचला. (Champions Trophy 2025 winner India)

या चॅम्पियन्स ट्रॉफीमध्ये, रोहित शर्माच्या नेतृत्वाखालील भारतीय संघाने गोलंदाजी, फलंदाजी आणि क्षेत्ररक्षण या तिन्ही विभागात चांगली कामगिरी केली. संपूर्ण स्पर्धेत भारतीय संघ अपराजित राहिला आणि एकही सामना गमावला नाही. भारतीय क्रिकेट संघ आयसीसी एकदिवसीय स्पर्धेत एकही सामना न गमावणारा पहिला संघ बनला आहे, परंतु संघाने सर्व सामन्यांमध्ये नाणेफेक गमावली आहे. भारतापूर्वी कोणताही संघ असा चमत्कार करू शकला नव्हता. (India unbeaten ICC tournament record)

या चॅम्पियन्स ट्रॉफीमध्ये भारताने एकूण पाच सामने खेळले. टीम इंडियाने सर्व सामने जिंकले आहेत, पण कर्णधार रोहित शर्माने सर्व सामन्यांमध्ये नाणेफेक गमावली. 2025च्या चॅम्पियन्स ट्रॉफीमध्ये भारताने बांगलादेश, पाकिस्तान, न्यूझीलंड आणि ऑस्ट्रेलियाचा शानदार पराभव केला. भारताने न्यूझीलंडला दोनदा हरवले. पहिल्यांदाच ग्रुप स्टेजमध्ये आणि दुसऱ्यांदा फायनलमध्ये. (India cricket Champions Trophy history)

भारतीय संघाने एकूण तिसऱ्यांदा चॅम्पियन्स ट्रॉफीचे विजेतेपद पटकावले आहे. भारतीय संघाने सौरव गांगुलीच्या नेतृत्वाखाली 2002 मध्ये पहिल्यांदा चॅम्पियन्स ट्रॉफी जिंकली. तेव्हा टीम इंडिया श्रीलंकेसह संयुक्त विजेता होता. यानंतर, महेंद्रसिंग धोनीच्या नेतृत्वाखाली भारताने इंग्लंडला हरवून चॅम्पियन्स ट्रॉफी 2013चे विजेतेपद जिंकले. आता रोहित शर्माच्या नेतृत्वाखालील संघ चॅम्पियन बनला आहे. भारतीय संघ हा एकमेव संघ आहे ज्याने एकूण तीन वेळा चॅम्पियन्स ट्रॉफी जिंकली आहे. (Rohit Sharma captaincy Champions Trophy 2025)

हेही वाचा-

“हा केवळ विजय नव्हे, भारतीय क्रिकेटचा भक्कम पाया…”, विजयानंतर विराटची भावनिक प्रतिक्रिया
रोहितचा शिव्या देतानाचा व्हिडीओ व्हायरल? पहा काय म्हणतोय व्हिडीओमध्ये????
रिटायर होणार? पहा समोर येत रोहितने काय दिले उत्तर!