भारत-पाक सीमेपासून शेकडो किमी अंतरावरील स्टेडियम उडवून देण्याची धमकी, आयपीएल पुन्हा बंद होणार?

सवाई मन्सिंह स्टेडियम राजस्थान बॉम्बचा धोका: आयपीएल 2025 पुन्हा सुरू होण्यासाठी फक्त 3 दिवस बाकी आहेत. भारत आणि पाकिस्तानमधील तणावपूर्ण परिस्थितीमुळे आयपीएल 2025 स्थगित करण्यात आले. पण आता आयपीएल 17 मार्चपासून सुरू होणार आहे, दरम्यान जयपूरच्या सवाई मानसिंग स्टेडियमला ​​अवघ्या सात दिवसांत चौथ्यांदा बॉम्बची धमकी देण्यात आली आहे. बॉम्बच्या धमकीच्या बातमीने सर्वांनाच हादरवून टाकले आहे. त्याचे पाकिस्तानशी संबंध असल्याचे वृत्त आहे. यानंतर सुरक्षा वाढवण्यात आली आहे. त्यामुळे आयपीएल पुन्हा बंद होणार नाही.

पंजाब आणि राजस्थान यांच्यात होणार सामना

18 मे रोजी राजस्थान रॉयल्स आणि पंजाब किंग्ज यांच्यात हा सामना होणार आहे. या धोक्यामुळे तीन दिवस आधी स्टेडियमची सुरक्षा वाढवण्याचा निर्णय घेण्यात आला. राजस्थान क्रीडा परिषदेच्या अधिकृत ईमेल आयडीवर हा धमकीचा ईमेल आला आहे. ताज्या धमकीच्या ईमेलमध्ये ‘एचएमएक्स बॉम्ब ब्लास्ट सवाई मानसिंग स्टेडियम ऑपरेशन प्रभाकर दिविज’ असा विषय होता आणि त्यात ‘पाकिस्तानशी पंगा घेऊ नका’ असा भयानक संदेशही होता.आमच्याकडे भारतात स्लीपर सेल आहेत. ऑपरेशन सिंदूरसाठी तुमची रुग्णालयेही उडवून दिली जातील.

अधिकाऱ्यांनी तपास वाढवला आहे आणि वारंवार येणाऱ्या या धमक्यांना ते अत्यंत गांभीर्याने घेत आहेत. परदेशी स्लीपर सेल्स आणि दहशतवादविरोधी कारवायांचा बदला घेण्यासाठी दहशत पसरवण्याचा संघटित प्रयत्न असण्याची शक्यता तपासली जात आहे.

आयपीएल सामने लवकरच होणार असल्याने राजस्थानमधील सार्वजनिक सुरक्षा वाढवली आहे, असे अधिकाऱ्यांनी सांगितले. घटनेला दुजोरा देताना क्रीडा परिषदेचे अध्यक्ष नीरज के पवन म्हणाले की, “बॉम्बच्या धमक्या लक्षात घेता, राज्य सरकारने यावेळी अतिरिक्त खबरदारी घेतली आहे. आम्ही सुरक्षा उपाययोजना वाढवत आहोत. आम्ही अतिरिक्त पोलिस आणि बाउन्सर तैनात करू. आम्ही कॅमेऱ्यांची संख्या वाढवली आहे आणि बिघाड झालेल्या कॅमेऱ्यांची दुरुस्ती केली आहे.”

जयपूर मेट्रो स्टेशनही उडवून देण्याची आली होती धमकी!

दरम्यान, राजस्थान क्रीडा परिषदेचे सचिव राजेंद्र सिंह सिसोदिया म्हणाले की, स्टेडियमला ​​टार्गेट करण्याची ही चौथी धमकी आहे.ही बाब पोलिसांना कळवण्यात आली आहे आणि सायबर गुन्हे तज्ञांनी पाठवणाऱ्याचा शोध घेण्यासाठी तपास सुरू केला आहे. दरम्यान, स्टेडियममध्ये 24 तास सुरक्षा व्यवस्था वाढवण्यात आली आहे आणि सर्व प्रमुख ठिकाणी सुरक्षा रक्षक तैनात करण्यात आले आहेत. जयपूरमध्ये अलिकडे घडलेली ही पहिलीच घटना नाही. यापूर्वी 8 मे, 12 मे आणि 13 मे रोजी स्टेडियमला ​​बॉम्बस्फोटाच्या धमक्या मिळाल्या होत्या. 9 मे रोजी, जयपूर मेट्रोलाही ईमेलद्वारे बॉम्बची धमकी मिळाली. ज्यामध्ये मेट्रो स्थानके आणि ट्रेनमध्ये स्फोट होण्याची धमकी देण्यात आली होती, ज्यामध्ये पुन्हा ‘ऑपरेशन सिंदूर’चा उल्लेख करण्यात आला होता.

अधिक पाहा..