आगामी आयपीएल हंगामाबाबत प्रचंड उत्सुकता निर्माण झाली आहे. २८ मार्चपासून सुरू होणारा हा हंगाम क्रिकेट चाहत्यांना पुन्हा एकदा थरारक सामन्यांची मेजवानी आहे. विशेष म्हणजे, वर्षाच्या सुरुवातीला पार पडलेल्या लिलावादरम्यान, विविध फ्रँचायझींनी अनेक दिग्गज खेळाडूंना आपल्या संघात सामील करून घेण्यासाठी आणि आपली ताकद वाढवण्यासाठी कोट्यवधी रुपयांची गुंतणुक केली.
या लिलावात, ऑस्ट्रेलियाचा अष्टपैलू खेळाडू कॅमेरॉन ग्रीन हा सर्वात महागडा खेळाडू ठरला; त्याला तब्बल ₹२५.२० कोटींची बोली मिळाली. त्याला केकेआरने आपल्या गोठ्यात समावाविष्ट केले. तथापि, जेव्हा आयपीएल २०२६ मधील संपूर्ण यादीचा विचार केला तर, ऋषभ पंतने सर्वाधिक मूल्य मिळवत अव्वल स्थान पटकावले; त्याला लखनऊ सुपर जायंट्सकडून ₹२७ कोटींची रक्कम मिळाली.
पंतनंतर, श्रेयस अय्यरला (₹२६.७५ कोटी) पंजाब किंग्सने आणि ग्रीनला (₹२५.२० कोटी) केकेआरने खरेदी केले आहे. याव्यतिरिक्त, दक्षिण आफ्रिकेचा आक्रमक फलंदाज हेनरिक क्लासेन यालाही हैदराबादकडून ₹२३ कोटींची मोठी रक्कम मिळाली.
शिवाय, विराट कोहली (आरसीबी) आणि निकोलस पूरन (एलएसजी) यांसारख्या दिग्गज खेळाडूंना प्रत्येकी ₹२१ कोटी मिळाले. ₹१८ कोटींच्या गटातही अनेक दिग्गज खेळाडूंचा समावेश आहे, ज्यामध्ये ऋतुराज गायकवाड (CSK), संजू सॅमसन (CSK), रशीद खान (GT), मथिशा पथिराना (KKR), जसप्रीत बुमराह (MI), अर्शदीप सिंग (PBKS), युझवेंद्र चहल (PBKS), यशस्वी जयस्वाल( RR) आणि पॅट कमिन्स (SRH) यांचा समावेश आहे.
2026 आयपीएलमधील सर्वात महागडे खेळाडू
ऋषभ पंत
27 कोटी
श्रेयस अय्यर
26.75 कोटी
कॅमेरुन ग्रीन
25.20 कोटी
हेनरिक क्लासेन
23 कोटी
विराट कोहली
21 कोटी
निकोलस पुराण
21 कोटी
रुतुराज गायकवाड
18 कोटी
संजू सॅमसन
18 कोटी
राशिद खान
18 कोटी
मठीशा पाथीराणा
18 कोटी
जसप्रीत बुमराह
18 कोटी
अर्शदीप सिंग
18 कोटी
युझवेंद्र चहल
18 कोटी
यशस्वी जयस्वाल
18 कोटी
पॅट कमिन्स
18 कोटी
आयपीएल हा केवळ क्रिकेटचाच नव्हे, तर पैशांचाही एक प्रचंड मोठा खेळ बनला आहे. युवा प्रतिभावान खेळाडू आणि अनुभवी दिग्गज खेळाडू या दोघांवरही समान विश्वास दाखवून, संघांनी आपली ताकद लक्षणीयरीत्या वाढवली आहे. आता, २८ मार्चपासून या हंगामाची सुरुवात होत असताना, हे महागडे खेळाडू आपल्या प्रचंड मूल्याला किती सार्थ ठरवतात, हे पाहण्यासाठी संपूर्ण क्रिकेट चाहते उत्सुकतेने वाट पाहत आहेत.
Comments are closed.