इंडियन प्रीमियर लीग 2025 चा 58 वा सामना आज (08 मे) रोजी पंजाब किंग्ज विरुद्ध दिल्ली कॅपिटल्स (PBKS vs DC) यांच्यात धर्मशाळा येथील हिमाचल प्रदेश क्रिकेट असोसिएशन स्टेडियमवर खेळवला जाणार होता. पंजाब किंग्जचा संघ उत्तम फॉर्ममध्ये आहे आणि 11 सामन्यांत सात विजयांसह पॉइंट टेबलमध्ये तिसऱ्या स्थानावर आहे. दुसरीकडे, प्लेऑफच्या शर्यतीत टिकून राहण्यासाठी दिल्ली कॅपिटल्ससाठी आजचा सामना ‘करो या मरो’ असा होता.
पहलगाम येथे झालेल्या हल्ल्यात 26 निष्पाप लोकांना आपला जीव गमवावा लागला व त्याचेच प्रत्युत्तर म्हणून भारतीय सैन्याने ऑपरेशन सिंदूर हे मिशन राबविले. या होत असलेल्या चकमकीत आयपीएलचा खोळंबा होताना दिसत आहे. त्यातच आता भारत पाकिस्तान युद्ध अतिशय तीव्र होताना दिसत आहे. पाकिस्तानने केलेल्या ड्रोन हल्ला केल्यामुळे बीसीसीआयने सामना रद्द करण्याचा आदेश दिला. सगळ्यात आधी स्टेडियम मधील सर्व लाइट्स ऑफ करण्यात आल्या व त्यानंतर दिल्ली विरुद्ध पंजाब हा सामना थांबविण्यात आला आहे. प्रथम खेळाचे ठिकाण बदलण्यात आले व आता सामनाच रद्द करण्यात आला आहे.
दिल्ली-पंजाब सामना रद्द झाल्याने दोन्ही संघांसाठी प्लेऑफ समीकरण बदलू शकते. सध्या, पंजाब किंग्ज आणि दिल्ली कॅपिटल्स पॉइंट्स टेबलमध्ये अनुक्रमे तिसऱ्या आणि पाचव्या स्थानावर आहेत.
Comments are closed.