इराण हल्ला: इराणने कुवेत आणि बहरीनवर क्षेपणास्त्रे डागली, यूएई सरकारने तीव्र निषेध व्यक्त केला

28 जून 2026 रोजी इराणने बहरीन आणि कुवेतवर केलेल्या हल्ल्यांचा संयुक्त अरब अमिरातीने (UAE) तीव्र निषेध केला आहे. या हल्ल्यांमध्ये क्षेपणास्त्रे आणि ड्रोनचा वापर करण्यात आला होता. यूएईच्या परराष्ट्र मंत्रालयाने हे शेजारील देशांच्या सुरक्षा आणि सार्वभौमत्वाचे स्पष्ट उल्लंघन असल्याचे म्हटले आहे.

UAE च्या परराष्ट्र मंत्रालयाने (MoFA) अधिकृत निवेदन जारी केले आहे. इराणच्या या कारवाया बहरीन आणि कुवेतच्या स्थैर्यासाठी मोठा धोका असल्याचे त्यात म्हटले आहे. UAE ने दोन्ही देशांसोबत पूर्ण एकता व्यक्त केली आहे आणि त्यांच्या सुरक्षेसाठी उचललेल्या प्रत्येक पावलाचे समर्थन केले आहे.

कुवेतच्या लष्कराने रविवारी पहाटे शत्रूची दोन बॅलेस्टिक क्षेपणास्त्रे त्यांच्या हवाई क्षेत्रात आल्याची माहिती दिली. या दोन्ही क्षेपणास्त्रांना वेळीच रोखण्यात आले, त्यामुळे कोणतीही जीवित किंवा वित्तहानी झाली नाही.

दुसरीकडे, बहरीननेही इराणी क्षेपणास्त्रे आणि ड्रोनने हल्ला केल्याची पुष्टी केली आहे. बहरीनने या घटनेला इराणची जुनी सवय असल्याचे सांगत याला सततचा हल्ला म्हटले आहे. या गंभीर प्रकरणावर बहरीनने संयुक्त राष्ट्र सुरक्षा परिषदेकडे तातडीने कारवाई करण्याची मागणी केली आहे.