Iran US Israel War – अमेरिकेचा युद्धविरामाचा प्रस्ताव इराणने फेटाळला; युद्ध कायमचे थांबवण्यासाठी ठेवल्या 10 अटी

इराणसोबत सुरू असलेले युद्ध लांबल्याने अमेरिकेचे राष्ट्राध्यक्ष डोनाल्ड ट्रम्प यांचा संयम ढासळू लागला आहे. महिनाभराहून अधिक काळापासून सुरू असलेल्या या युद्धातून हवे ते हाती लागत नसल्याने ट्रम्प यांनी थेट इराणला बेचिराख करण्याची धमकी दिली. इराणच्या ऊर्जा आणि पायाभूत सुविधांवर हल्ले करण्याची धमकी ट्रम्प यांनी दिली. ट्रम्प यांनी दिलेली डेडलाईन संपण्यापूर्वी इराणने आक्रमक पवित्रा घेतला आहे. अमेरिकेने पाकिस्तानच्या माध्यमातून दिलेला 15 कलमी युद्धविरामाचा प्रस्ताव इराणने अधिकृतपणे फेटाळला असून युद्ध कायमचे संपवण्यासाठी 10 अटी ठेवल्या आहेत.

आम्ही केवळ तात्पुरता युद्धविराम स्वीकारणार नाही. आम्हाला युद्ध कायमचे संपवायचे आहे आणि भविष्यात आमच्यावर हल्ले होणार नाहीत, याची खात्री हवी आहे, असे कैरोमधील इराणच्या राजनैतिक मोहिमेचे प्रमुख मुजतबा फिरदोसी पूर यांनी स्पष्ट केले. त्यामुळे अमेरिकेने पाकिस्तानच्या मध्यस्थीने पाठवलेला युद्धविरामाचा प्रस्ताव इराणने फेटाळला. एवढेच नाही तर शांततेसाठी 10 कलमी आराखडाही मांडला.

पायलटच्या रेस्क्यू ऑपरेशनची गुप्त माहिती लीक करणाऱ्या फितुराचा शोध सुरू; डोनाल्ड ट्रम्प यांचे पित्त खवळले, पत्रकारालाही दिली धमकी