दक्षिण आफ्रिका विरुद्ध श्रेयस अय्यर वनडे मालिका खेळणार का? जाणून घ्या पुनरागमनावर मोठा खुलासा समोर

श्रेयस अय्यर (Shreyas iyer) कदाचित बराच काळ क्रिकेटपासून दूर राहू शकतो. रिपोर्टनुसार, अय्यरने जास्त वर्कआउट करू नये असा डॉक्टरांनी सल्ला दिला आहे. इंडिया टुडेच्या रिपोर्ट्सनुसार, त्याला पूर्णपणे बरे होण्यासाठी किमान 2 महिने लागू शकतात.

ऑस्ट्रेलियाविरुद्ध वनडे मालिकेदरम्यान कॅच पकडताना तो छातीवर जोरात जमिनीवर पडला आणि त्याला ही दुखापत झाली. लगेचच त्याला रुग्णालयात दाखल करावे लागले.

काही दिवस श्रेयस अय्यरचे उपचार सिडनीमध्येच झाले, पण आता तो भारतात परतला आहे. प्रसिद्ध स्पोर्ट्स मेडिसिन तज्ज्ञ डॉ. दिनशॉ पार्दीवाला यांनी त्याचे यूएसजी स्कॅन केले. तपासणीत कळाले की अय्यरची रिकव्हरी चांगली सुरू आहे, पण त्याला पूर्ण फिट होण्यासाठी अजून वेळ लागणार आहे.

अय्यरला आता दैनंदिन कामे करण्याची परवानगी देण्यात आली आहे आणि हलका व्यायामही करण्याचा सल्ला आहे. मात्र, डॉक्टरांनी त्याला खास सांगितले आहे की, पोटावर ताण येईल असे कोणतेही काम करू नये. पुढच्या आठवड्यात त्याची आणखी एक स्कॅन तपासणी होणार आहे. आणखी 2 महिन्यांची रिकव्हरी झाल्यानंतर तो BCCI च्या सेंटर ऑफ एक्सलन्समध्ये रिहॅब प्रक्रिया सुरू करू शकेल.

याचा अर्थ, एखादा क्रिकेट सामना खेळण्यासाठी त्याला किमान 3 महिने लागतील. त्यामुळे तो फक्त दक्षिण आफ्रिका नव्हे तर न्यूझीलंडविरुद्धची वनडे मालिका देखील मिस करू शकतो. भारत–न्यूझीलंड (IND vs NZ) वनडे मालिका 11 जानेवारी ते 18 जानेवारीदरम्यान होणार आहे.

ऑस्ट्रेलिया मालिकेपूर्वीच श्रेयस अय्यरला वनडे टीमचा उपकर्णधार म्हणून नियुक्त करण्यात आले होते. आता पाहावे लागेल की, तो पूर्णपणे फिट होऊन IPL 2026 मध्ये खेळू शकतो की नाही.