जाफर एक्सप्रेस: ​​जाफर एक्सप्रेसला पुन्हा लक्ष्य करण्याचा पाकिस्तानचा प्रयत्न, रॉकेट हल्ला आणि स्फोटामुळे खळबळ

इस्लामाबाद : पाकिस्तानच्या जाफर एक्सप्रेसला पुन्हा एकदा लक्ष्य करण्यात आले आहे. रविवारी (16 नोव्हेंबर) हा हल्ला झाला. हल्लेखोरांनी रेल्वे ट्रॅकवर बॉम्बस्फोट करण्याचा प्रयत्न केला. त्यांनी रॉकेटने ट्रेन उडवण्याचाही प्रयत्न केला. सुदैवाने या हल्ल्यातून जाफर एक्सप्रेस थोडक्यात बचावली. या हल्ल्यात कोणतीही जीवितहानी झाली नाही. 2025 मध्ये जाफर एक्स्प्रेसवर झालेला हा आठवा हल्ला आहे, ज्यामुळे लोकांमध्ये घबराट पसरली आहे. प्रत्यक्षात काय घडले? मिळालेल्या माहितीनुसार, जाफर एक्सप्रेस बलुचिस्तानच्या नसीराबाद जिल्ह्यातून जात होती. दरम्यान, रेल्वे रुळावर अचानक मोठा स्फोट झाला. मात्र यामुळे कोणतीही जीवित वा वित्तहानी झाली नाही. मीडिया रिपोर्ट्सनुसार, हल्लेखोरांनी शहीद अब्दुल अजीज बुलो भागात रेल्वे ट्रॅकवर बॉम्ब पेरला होता, पण ट्रेन तिथून जाण्यापूर्वीच स्फोट झाला. त्यामुळे जाफर एक्स्प्रेसमधील प्रवाशांचा जीव थोडक्यात बचावला. या घटनेची माहिती मिळताच मोठा गोंधळ उडाला. अनेक वरिष्ठ अधिकारी घटनास्थळी पोहोचले. बॉम्बस्फोटाचे कारण शोधण्यासाठी सध्या या घटनेची कसून चौकशी सुरू आहे. मात्र यामुळे लोकांमध्ये मोठी घबराट पसरली आहे. मिळालेल्या माहितीनुसार, ट्रेनला रॉकेटने उडवण्याचा प्रयत्न करण्यात आल्याचेही बोलले जात आहे. हल्ल्याची जबाबदारी कोणी घेतली? तपास अधिकाऱ्यांनी दिलेल्या माहितीनुसार, बलुच रिपब्लिकन गार्ड्सने (बीआरजी) हल्ल्याची जबाबदारी स्वीकारली आहे. बलुच राष्ट्रवादी नेते मीर याक बलोच यांनी मीडियाला हे वक्तव्य केलं होतं. जाफर एक्स्प्रेसवर यापूर्वीचे हल्लेजाफर एक्स्प्रेसला सातत्याने लक्ष्य केले जात आहे. हा आठवा हल्ला असून याआधीचा हल्ला क्वेटा आणि पेशावर दरम्यान ७ ऑक्टोबरला झाला होता. याआधी ७ ऑगस्टला सिबी रेल्वे स्टेशनजवळ हल्ला झाला होता आणि त्याआधी ४ ऑगस्टला कोलपूरजवळ हल्ला झाला होता. या हल्ल्यांची जबाबदारी बलुच लिबरेशन आर्मीने (बीएलए) घेतली आहे. 18 जून 2025 रोजी जेकोबाबादजवळ रिमोट कंट्रोल बॉम्बस्फोटही करण्यात आला होता. 29 ऑक्टोबर रोजी नशिराबाद जिल्ह्यातील नोटाल भागात जाफर एक्स्प्रेसलाही उडवण्याचा प्रयत्न करण्यात आला होता. याशिवाय मार्च २०२५ मध्येही बीएलएने जाफर एक्स्प्रेसचे अपहरण केले होते. या अपहरणात 400 प्रवाशांना ओलीस ठेवण्यात आले होते. बलुच लिबरेशन आर्मीच्या अतिरेक्यांनी बोलान भागातील पिरू, कुंरी आणि गुलदार भागात रुळांवर स्फोटके ठेवून ट्रेनचे अपहरण केले होते. पेशावर ते क्वेटा दरम्यान जाफर एक्सप्रेस धावते.