भारताविरुद्ध फलंदाजी न करता जो रूट रचणार इतिहास! राहुल द्रविडचा हा विक्रम धोक्यात?

मागील 10 वर्षात कसोटी क्रिकेटमध्ये ज्या खेळाडूने आपला ठसा उमटवला आहे तो म्हणजे जो रूट. इंग्लंडच्या या अष्टपैलू खेळाडूने कसोटी सामन्यांमध्ये 13000 हून अधिक धावा केल्या आहेत. 36 शतके केली आहेत आणि आता त्याचे लक्ष रेड बॉल फॉरमॅटमध्ये सर्वाधिक धावा करण्याच्या विक्रमावर आहे. रूट आता भारत-इंग्लंड पहिल्या कसोटी सामन्यात एक ऐतिहासिक विक्रम रचू शकतो. हा विक्रम फलंदाजीशी संबंधित नाही, परंतु क्षेत्ररक्षण करताना तो एका भारतीय दिग्गजाचा विक्रम मोडू शकतो.

हेडिंग्ले येथे खेळल्या जाणाऱ्या पहिल्या कसोटी सामन्यात भारतीय संघाने प्रथम फलंदाजी केली. केएल राहुल चांगली फलंदाजी करत होता, पण तो 42 धावांच्या खेळीवर झेलबाद झाला. यासोबतच रूटने कसोटी फॉरमॅट मध्ये 209 बळी घेतले आहेत आणि सर्वाधिक बळी घेण्याच्या बाबतीत तो फक्त राहुल द्रविडच्या एक पाऊल मागे आहे. भारतीय दिग्गज राहुल द्रविडने त्याच्या कारकिर्दीत एकूण 210 झेल घेतले.

जो रूट कसोटी क्रिकेटमध्ये सर्वाधिक धावा करण्याचा विक्रम मोडण्याच्या अगदी जवळ आहे. त्याने आतापर्यंत त्याच्या 154 सामन्यांच्या कसोटी कारकिर्दीत 13006 धावा केल्या आहेत, तर कसोटी क्रिकेटमध्ये सर्वाधिक धावा करण्याचा विक्रम सचिन तेंडुलकरच्या नावावर आहे ज्याने त्याच्या 200 सामन्यांच्या कारकिर्दीत 15921 धावा केल्या. तेंडुलकरचा विक्रम मोडण्यासाठी त्याला अजूनही 2916 धावांची आवश्यकता आहे. रूटकडे सध्या रेड बॉल फॉरमॅटमध्ये 36 शतके आणि 65 अर्धशतके आहेत. 373 धावा केल्याने तो रूट कसोटीत सर्वाधिक धावा करण्याच्या बाबतीत राहुल द्रविड, जॅक कॅलिस आणि रिकी पॉन्टिंग यांना मागे टाकेल.